نیو یارک: اکوام متھدہ ءِ زھگانی کمکی ادارہ یونیسپ ءَ وتی درشانے ءَ گوشتگ کہ یوکرین ءِ سر ءَ روس ءِ اُرش کنگ ءِ آسر ءَ یک مالی تباھی یے رودرآتکی یورپ ءُ درمیانی ایشیا ءَ 40 لک ءَ گیش زھگ گژن ءِ آماچ اَنت۔
پرانسیسی ھال رساں ادارہ ءِ رد ءَ یونسیپ ءَ 22 ڈیھانی سر ءَ جوڑ بیتگیں یک گزارشے ءَ گوشتگ کہ یوکرین ءَ جنگ ءِ سوب ءَ ودی بیتگیں مالی تباھی ءَ درس ءَ مستریں سان زھگانی سر ءَ کپتگ۔
جیڑہ ءِ گیش ودگ ءَ گرانھادی ءَ روکپتی یورپ ءُ درمیانی ایشا ءَ دگہ چِل لک زھگ گُژن ءِ آماچ کرتگ اَنت۔
لنگڑی چہ 2021 ءَ کچ ءَ نوزدہ درسد گیش بیتگ۔
گزارش ءِ رد ءَ پروری ءَ روس ءِ یوکرین ءِ سر ءَ اُرش کنگ ءَ پد روس ءُ یوکرین ءِ درساں گیش زھگ سانمَنْد بیتگ اَنت۔
یونسیپ ءِ گوشگ کہ یوکرین ءِ بازیں زھگ گُژنگی ءَ زند گوازینگ ءَ اَنت ایشانی گیشتریں زمہ وار روس اِنت۔ چہ ایشی ءَ اَبید بیست ءُ دو ڈیھانی تہ ءَ بیست ءُ ھشت لک زھگ انچش گسانی تہ ءَ کپتگ ءُ گُژن ءُ بزگی ءِ زند گوازینگ ءَ اَنت۔
یونیسپ ءَ وتی درشان ءَ دیمتر ءَ گوشتگ کہ مردمانی گیشتریں زر پہ ورگی ساماناں ھرچ بیگ ءَ اَنت۔ زھگانی جاندراھی ءُ وانگ ءِ سر ءَ کم کارمرز کنگ بیگ ءَ اِنت۔
زھگ لٹ شاپ، زوراکی ءُ ناھکیں روشتانی آماچ اَنت۔
ایشی ءِ آسر ھمے وڑ ءَ دیم ءَ آتکگ کہ انوگیں سال ءَ چار ھزار ءُ پنچ سد زھگ چہ وتی سالروچ ءَ پیسر مرتگ ءُ یک لک ءُ ھبدہ ھزار زھگاں وانگ یل داتگ۔
بنشون: درشان | اکس: دامگ
