ماسکو: روسی لشکر ءِ جنگی بالیگے ماڑی یے ءِ سر ءَ کپتگ سیزدہ مردم جاھی مرتگ ءُ بازینے زدگ بیتگ۔
مرتگیں مردمانی تہ ءَ سے زھگ ھوار اِنت۔
جھانی رسانکدر ءِ رد ءَ روسی جنگی بالگرد پہ ھیکاری ءَ ترّ ءُ گرد کنگ بیتگ کہ یوکرین ءِ نزیکیں میتگے ءَ یک ماڑی یے ءِ سر ءَ کپتگ ءُ تباہ بیتگ۔
جنگی بالیگ نوہ تبک ءِ ماڑی یے سر ءَ کپتگ ءُ پنچ تبک ءَ بُن کرتگ۔
آس انچش تیز بیتگ کہ تہ ءِ مردماں ءَ در آھگ ءَ موہ نہ داتگ، اے تاوان بیتگیں ماڑی ءَ کُل شش سد مردم ءِ کَچ ءَ نشت کنت۔
چہ ستکگیں ماڑی ءَ بندات ءَ سے زھگانی ستکگیں جون دست کپتگ، چہ بازیں پَٹ ءُ پول کنگ ءَ لھتیں اداراں رند دگہ دہ مردم ءِ جون دست کپتگ، مرتگیں مردمانی کَچ سیزدہ ءَ سر بیتگ۔
جھانی رسانکدر ءِ رد ءَ پَٹ ءُ پول کنگ ءِ وھد ءَ بیست ءُ پنچ مردم ستکگ ءُ زدگ بیتگیں کشگ ءُ نادراھجاہ ءَ برگ بیتگ۔
زدگ بیتگیں مردمانی جاور ناگیگ اَنت ھمے تُرس پدر بیگ ءَ اِنت کہ مرتگینانی کَچ گیشتر بوت کنت۔
بنشون:جھانی رسانکدر | اکس: دامگ
