الکرہ: ترکی ءِ زْرباری استان بارتن ءَ اشکر کھن ءَ تراکے ءَ مرتگیں مردمانی کَچ ءَ 40 ءَ سربیتگ۔
جھانی رسانکدر ءِ رد ءَ بارتن ءِ ھند آماسرا ءَ اشکر کھن ءَ اے تراک آدینگ ءِ روچ ءَ بیتگ۔ اے وھد ءَ 110 مزور کار ءَ بیتگ۔ تراک ءَ پد مردم سر بیتگ اَنت ءُ مزورانی کشگ اِش بندات کرتگ۔
ترکی ءِ تھی کارانی وزیر سلیمان سویلو ءَ شمبے ءَ روچ ءَ مرتگیں مزورانی گپ راست کرتگ ءُ گوشتگ کہ داں انوں 40 مزور مرتگ ءُ یازدہ مزور پہ درمان کنگ ءَ نادراھجاہ ءَ برگ بیتگ۔
دگہ 58 ھشت مرزور پہ سلامتی کشگ بیتگ، آدگہ پشت کپتگیں مزورانی کشگ ءَ کاربرجاہ اِنت۔ آیانی باروا انگت زانگ بیگ ءَ نہ اِنت کہ زندگ اَنت یا مرتگ اَنت۔
بنشون: جھانی رسانکدر | اکس: دامگ
