روس: روسی لشکر ءِ ھیلکاری بنُجاہ ءَ سلاہ بندیں مردمانی تیرگواری ءَ یازدہ مردم مرتگ ءُ پازدہ ٹپی بیتگ۔
جھانی رسانکدر ءِ رد ءَ دو سلاہ بندیں مردماں روسی لشکر ءِ ھیلکاری بُنجاہ ءَ اُرش کرتگ ءُ ھما مردم نشانگ کرتگ اَنت کہ آ چہ روس ءِ نیمگ ءَ گوں یوکرین ءَ جنگ کنگ ءِ واھگدار بیتگ اَنت۔
بنشون ءِ رد ءَ اے وئیل یوکرین ءِ سیمسر بیلگراڈ ءَ بیتگ اُرش ءَ ھواریں دوئیں سلاہ بند جاھی مرتگ اَنت۔
بلے چہ سرکار ءِ نیمگ ءَ سلاہ بندیں مردمانی پجار دیم ءَ آرگ نہ بیتگ، ھمے گوشگ بیگ ءَ اِنت کہ اے پیشیگیں یونین ءِ جھمنند اَنت۔ جھانی رسانکدر ءِ رد ءَ روسی سرکار ءِ نیمگ ءَ ھمے گوشگ بیتگ کہ ھیلکاری بُنجاہ ءَ پہ لشکر ءَ زورگ بیتگیں نوکیں کارمَنْدانی ھیل گرگ ءَ بیتگ اَنت کہ اُرش کنگ بیتگ۔
یات بہ بہ اِت کہ گْوَستگیں ماہ ءَ روسی مھتر ولادیمیر پیوٹن ءَ پہ لشکر ءَ ھوار بیگ ءُ یوکرین ءِ بگیری ءَ جنگ ءَ کنگ ءَ سے لک شھری ءَ پرمان داتگ اَت۔
بنشون: جھانی رسانکدر | اکس: دامگ
