سندھودیش روولیوشنری آرمی ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ سندھودیش روولیوشنری آرمی کراچی ءِ سدر ءَ سند استان ءِ الیکشن کمیشن کارگس ءَ بوتگیں دستی بمب ارش ءِ زمہ واری ءَ من ایت۔
![](https://zrumbesh.com/wp-content/uploads/2024/02/1000219930-1024x576.jpg)
آئی ءَ گوشتگ کہ ایس آر اے پاکستان ءِ الیکشن ءَ سند ءِ ایردستی ءِ راھبندی توک سرپد بیت، پاکستان ءِ گچینکاری تیوک ءَ وتگڑیں راجمستری ءِ دروگ اِنت۔
جارکش ءَ گوشتگ کہ چہ پاکستان ءِ جوڑ بوگ ءَ بگر داں انوں پاکستان ءِ گچینکاری تیوک ءَ ایچ کیو ءَ نشتگیں پنجاپی جرنیلانی نیمگ ءَ ایردست کنگ ءِ یک کارشونی یے۔
آئی ءَ گوشتگ کہ ھمالیکہ سائیں جی ایم سید ءَ گوں ھمگرنچ اِنت ٹولی ءُ وتگڑیں پاکستان ءِ گچینکاری ءِ بھر بوگ ءُ ورک کنگ ءَ اَنت، آ وتی دیم ءَ گوستانک ءِ سیاھیاں مشُگ ءُ سند ءُ سید ءِ لیکہ ءِ گون ءَ راجدوھی کنگ ءَ اَنت۔ سندی راج پاکستان ءِ گچینکاری ءَ رد مہ کپ ایت ءُ 8 پروری 2024 ءَ بیوکیں وتگڑیں پاکستان ءِ گچینکاری ءَ بھر مہ زور ایت۔
سوڈو سندی ءَ گوشتگ کہ ایس آر داں سند ءِ سرجمیں آجوئی ءَ وتی گھگیری جھد ءَ برجاہ دار ایت۔