بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ آپریشن درہ بولان ءَ 13 جوانمریں سرمچاراں گوں توکل ءُ دلیری ءَ گرانکدریں درورے زندگ اش داشتگ ءُ وتی جانانی دیمونی داتگ آپریشن ءِ سوبمندی ءَ جوانیں کردے پیلو کرتگ۔ شھیدیں ھمبلانی تہ ءَ 12 سرمچار بی ایل اے مجید برگیڈ ءِ پدائی بوتگ اَنت، یک ھمبلے بی ایل اے اولی ٹولی پتھ اسکواڈ ءِ مزنیں ھیلکاریں کماندارے بوتگ۔ سیزدھیں شھیدانی سرجمیں ھال جھل ءَ داتگ اَنت۔
آئی ءَ گوشتگ کہ شھید پدائی اتا پنام شیک گزک ء مھمد تربت ءِ ھند ھیرونک ءِ جھمنند اِنت۔ آ 2016 ءَ بلوچ راجی آجوئی جھد ءَ سلاہ بندیں گلاں ھوار بوتگ ءُ ھشت سالانی تہ ءَ گوں ھمت ءُ جپاکشی ءَ وتی راجی پرز گوں ایمانداری ءَ پیلو کرتگ۔ سلاہ بندیں جھد ءَ ھوار بوگ ءَ پیش آ بی ایس او ءِ راھبند ءِ پارست ءَ راجی ایردستی ءِ بگیر ءَ کار ءَ بوتگ۔ شھید اتا 2019 ءَ بی ایل اے مجید برگیڈ ءَ وتی واھشت پیش کرتگ۔ آ راجی آجوئی ءِ یک ھیلکاریں سپاھی یے بوتگ۔ وتی لشکری کارشونیانی بنیاد ءَ آئی بی ایل اے ءِ یک بنجلے ءِ ھیلکاری ءِ زمہ واری دیگ بوتگ اَنت۔ آئی داں دراجکشیں وھدے ءَ گوں وش تبی ءَ پرز پیلو کرتگ۔ آپریشن درہ بولان ءَ آپریشن کماندار بوتگ۔ آ بلوچی زبان ءِ یک جوانیں شائرے۔ اتا پنام شیک گزک ءِ دو زامات زورگریں پاکستانی لشکر ءَ شھید کرتگ۔ آئی پت ءُ ناکو دُژمنیں لشکر ءَ چنچو سال اِنت زور بیگواہ کرتگ اَنت۔
جارکش ءَ گوشتگ کہ شھید پدائی جمال پنام کمبر مھروان ء مجید آواران ءِ ھند جاؤ کوھڑو ءِ جھمنند اِنت۔ آ یک وانندگیں ورنایے ءُ چہ زانشتجاہ ءَ گریجویشن سرجم کرتگ۔ جمال 2009 ءَ نودربری ءِ وھد ءَ بی ایس او ءِ پرکاریں کارکنے بوتگ۔ آ 2015 ءَ بلوچ راجی آجوئی ءَ سلاہ بندیں جھد ءَ ھوار بوتگ۔ آ جوانیں کاروشونیانی واھند اَت ءُ یک چیرجنگی سپاھی ءُ لیکھی سیاسی کارکنے اَت۔ آئی دو سال پیش بی ایل اے مجید برگیڈ ءَ ھوار بوگ ءِ وتی واھشت پیش کرتگ ءُ گوں جپاکشی ءَ وتی پدائی ءِ ھیلکاری سرجم کرتگ۔ آ آپریشن درہ بولان ءِ وھد ءَ یک گرانیں جنگے داشتگ، آئی وتی گُڈی تیر ءُ گڈی دم ءَ وتی سنگر دُژمن ءِ دست ءَ روگ ءَ نہ اشتگ۔
آئی ءَ گوشتگ کہ شھید پدائی سنگت پاروک پنام چاکر ء سید تربت ءِ ھند آپسر ءِ جھمنند اِنت۔ آئی چہ یک زانشتجاھے ءَ گریجیوٹ ءِ سرجم کنگ ءِ ھواری ءَ یک کتاب دوستیں ھمبلے بوتگ۔ پاروک 2021 ءَ بلوچ جھد ءِ آجوئی ءَ ھوار بوتگ ءُ وتی واھشت پہ مجید برگیڈ ءَ پیش کرتگ۔ آئی آپریشن درہ بولان ءَ سکا جوانیں کردے پیلو کرتگ۔ آئی تراکناکیں شورہ ءَ باریں گاڑی یے گوں مچ ءِ ایپ سی بنجل ءِ دروازگ ءَ جتگ۔ چہ ایشی ءَ نہ تیوک ءَ درزنانی کچ ءَ دُژمنیں کارمند جاھی مرتگ، بلکیں مجید برگیڈ ءِ آدگہ پدائیاں بنجل ءِ تہ ءَ پترگ ءِ کمک کرتگ۔
جارکش ءَ گوشتگ کہ پدائی سلال پنام شے مرید نور بی بی ءِ چک 2019 ءَ پہ بلوچ راجی آجوئی ءَ سلاہ بندیں جھد ءَ ھوار بوتگ۔ پنجگور ءِ ھند پروم ءِ جھمنند سلال نور بی بی چک، چہ ایشی پیش دری ڈیھ ءَ وشھالیں زندمانے گوازینگ ءَ بوتگ۔ مھکیں راجی شھزانتی ءِ واھد پدائی سلال ڈنی ڈیھ یل داتگ ءُ واتر بلوچستان ءَ آھگ ءِ سوڑگ کرتگ ءُ 2021 ءَ بی ایل اے مجید برگیڈ ءَ ھوار بوگ ءِ واھشت پیش کرتگ۔ آ نہ تیوک ءَ یک مزن زانتیں سیاسی لیکھے ءِ واھند بوتگ ءُ وانندگیں ورنایے بوتگ، بلکیں یک آ چیرجنگی ءَ سکا نہ ترس ءُ دور چاریں جنگولے بوتگ۔
جارکش ءَ گوشتگ کہ شھید پدائی کاسم پنام تنگی لالا ء پزل تربت ءِ ھند ھیرونک ءِ جھمنند اِنت۔ آ 2013 ءَ پہ بلوچ راجی آجوئی ءَ سلاہ بندیں جھد ءَ ھوار بوتگ۔ آ داں یک دھکے ءَ جوانیں جنگولیں سپاھی یے ءِ دروشم ءَ وتی پرز پیلو کرتگ ءُ باز جوانیں جنگاں دُژمنیں لشکر سکا تاوان داتگ۔ آئی 2018 ءَ بی ایل اے مجید برگیڈ ءَ ھوار بوگ ءَ وتی واھشت پیش کرتگ ءُ پنچ سالانی تہ ءَ گوں سکا اوپار ءُ رازداری ءَ وتی مشن ءِ وادر بوتگ ءُ گڈی ءَ آپریشن درہ بولان ءَ تیوک ءَ یک چیریں مشنے ءَ دیم دیگ بوتگ ءُ وتی جان ءِ دیمونی داتگ مشن یک شریں وڑے ءَ دیم ءَ برتگ۔
آئی گوشتگ کہ شھید پدائی سدام ھسین سیاہ پاد پنام کے ڈی ء ازیز مھمد سیاہ پاد ھاران ءِ ھند ءِ ایری کلگ ءِ جھمنند اِنت۔ 29 سالی سدام ھسین ٹنڈو جام زانشتجاہ سند ءَ پارگ بوتگ۔ آ گوستگیں ھشت سال بیت کہ سلاہ بندیں جھد ءَ ھوار اِنت۔ آ 2016 ءَ زورگریں پاکستانی لشکر ءِ دست ءَ زور بیگواہ کنگ ءُ سکا آزار دیگ بوتگ بلے چہ وتی راجی آجوئی ءِ لیکہ ءَ پدکنز نہ بوتگ۔ چہ دُژمن ءِ بندیگجاہ ءَ آجو بوگ ءَ پد ھما آسر ءَ سر بوتگ کہ بلوچستان ءَ پرایمنیں سیاست ءِ ھچ وڑیں گنجاھشت پشت نہ کپتگ آئی پمیشکا سلاہ بندیں جھد گچین کرتگ۔ آ سکا سوھوئیں سیاسی کارکنے ءِ ھواری ءَ جھد ءُ جپاکشیں چیرجنگی سپاھی یے بوتگ۔ آئی دو سال پیش بی ایل اے مجید برگیڈ ءَ ھوار بوگ ءِ واشت پیش کرتگ۔
جارکش ءَ گوشتگ کہ شھید پدائی ھاپز زیشان زھری پنام سائیں بیبرگ ء ڈاکٹر ھان مھمد زھری ھزدار ءِ ھند پیر شیر زھری ءِ جھمنند اِنت۔ آ 2021 ءَ بلوچ سلاہ بندیں جھد ءَ بھر زرتگ، 2022 ءَ بی ایل اے مجید برگیڈ ءَ ھوار بوگ ءِ وتی واشت پیش کرتگ۔ آ مھکمیں راجی زانشت ءِ واھند بوتگ ءُ یک وانندگ ءُ سیاسی کارکن ءُ سکا نہ ترسیں راجی سپاھی یے بوتگ۔ آئی ءَ کرآن یاد بوتگ، آ داں گُڈی ءَ گوں دژمن ءَ جنگ کنوکیں پدائی یے بوتگ۔
آئی گوشتگ کہ شھید پدائی ھمل مومن پنام کلمیر ء مھمد 2020 ءَ پہ بلوچ راجی آجوئی جھد ءَ سلاہ بندیں جھد ءَ ھوار بوتگ۔ 23 سالی ئیں ھمل مومن گْوادر ءِ پانوان جیمڑی ءِ جھمنند اِنت۔ آئی دو سال پیش بی ایل اے مجید برگیڈ ءَ وتی واھشت پیش کرتگ۔ آ دیمونی جوزگ ءَ سرچکاریں یک باسمائیں سپاھی یے اَت۔ آپریشن درہ بولان ءَ آ دژمنیں ایپ سی ءِ بنجل ءِ تہ ءَ چہ سر بیوکیں ھمبلاں بوتگ۔ دو روچ ءَ داں ابید آپ ءُ وردن ءُ وپسگ ءَ یکشل ءَ گوں دُژمن ءَ جنگ داتگ ءُ گُڈی ءَ پہ وتن ءَ جان ءِ دیمونی داتگ۔ آ یک لبزانکار ءُ کتابے ءِ نبشتہ کار بوتگ۔ ھما روچ ءَ کہ آ شھید بوتگ ھما روچ ءَ آئی یک کتابے شنگ بوتگ۔
جارکش ءَ گوشتگ کہ شھید پدائی نزام پنام ساھل ء مھم جان پسنی ببر شور ءِ جھمنند اِنت۔ آ دو سال پیش بی ایل اے مجید برگیڈ ءَ ھوار بوگ ءِ وتی واھشت پیش کرتگ۔ آپریشن درہ بولان ءِ میان ءَ آئی نہ ترسی ءِ یک مزنیں منانکے زندگ داشتگ۔ آئی دیم پہ دیمی کنوکیں دُژمن ایس ایس جی کمانڈو ءِ یک ٹولی یے بوتگ۔ آئی درزنانی کچ ءَ کمانڈوانی گون ءَ تیوک ءَ جنگ کرتگ ءُ پنچ کماڈو کشتگ۔ ھمے سوب ءَ آدگہ کمانڈو پہ تچگ ءَ لاچار بوتگ اَنت۔
آئی گوشتگ کہ شھید پدائی اَبدالودود ساتکزھی پنام شیھک مچ شھر ءِ جھمنند اِنت۔ آئی ءَ 2021 ءَ زورگریں لشکر ءَ زور بیگواہ کرتگ، داں چنت ماھاں چیریں آزارجاھاں آزارانی اوپار کنگ ءَ پد آجو بوتگ۔ چہ ھما وھد ءَ پد آئی ھمے سوڑگ کرتگ کہ اے بے دودیں دژمن پرایمنیں سیاسی زبان ءَ سرپد نہ بیت ءُ سلاہ بندیں جنگ چہ بلوچ راجی ایردستی ءَ رکینت کنت۔ چہ ایشی پد آئی یک سالے پیس بی ایل اے مجید برگیڈ ءَ وتی واھشت پیش کرتگ۔ پدائی ودود ساتکزھی ءَ دو روچاں یک گچینیں جنگی سنگرے داشتگ، آئی گوں جوانمردی ءَ جنگ داتگ۔ آئی دُژمن سر کشگ نہ اشتگ۔
جارکش ءَ گوشتگ کہ شھید پدائی نادر بنگلزھی پنام بالی اَبدرھمان بنگلزھی جھمنند کلی بنگلزھی شال ءَ سالے ءَ پیش بی ایل اے مجید برگیڈ ءَ ھوار بوگ ءِ وتی واھشت پیش کرتگ۔ پدائی نادر بنگلزھی یک باسمائیں سیاسی کارکن ءُ یک سرجمیں چیرجنگی جنگولے بوتگ۔ آپریشن درہ بولان ٹپی بوگ ءَ ابید آئی گوں ٹپی ئیں جاوراں دیم پہ دیمی کرتگ ءُ چہ ٹپانی آزاراں ابید داں بیست ءُ چار اداراں دُژمن ءِ تاوان داتگ۔
آئی گوشتگ کہ شھید پدائی زیشان رند پنام آپتاب ء ھبیب اللہ رند نواب شاہ سند ءِ جھمنند اِنت۔ سند ءِ جھمنند بوگ ءَ ابید آ بلوچ ءُ بلوچستان ءِ درداں شری ءَ سرپد بوتگ۔ وتی راجی زمہ واریان ءَ پیلو کرتگ ءُ سالے ءَ پیش ءَ سلاہ بندیں جھد ءَ ھوار بوگ ءِ سوڑگ کرتگ ءُ بی ایل اے ءَ ھوار بوتگ، شش ماہ پیش مجید برگیڈ ءَ ھوار بوگ ءِ وتی واھشت پیش کرتگ ءُ آپریشن درہ بولان ءَ گوں سوبمندی ءَ جوانیں کردے پیلو کرتگ ءُ وت ءَ پہ سرڈگار ءَ ندر کرتگ۔ آ تیوک ءَ دہ ءَ گیش دُژمنیں لشکریانی کشگ ءَ سوبین بوتگ۔
جارکش ءَ گوشتگ کہ شھید کاشپ شاھوانی پنام روکین ء ھاجی شاہ مھمد شاھوانی شال ءِ جھمنند اِنت۔ آئی ءَ دو سال اِنت کہ بی ایل اے ءَ ھوار بوتگ گوستگیں یک سالے بیت کہ آ بی ایل اے ءِ اولی ٹولی پتھ اسکواڈ ءِ گون ءَ کار ءَ بوتگ۔ آ یک چیرجنگی سپاھی یے ءِ بنیاد ءَ کارشونیاں سریچ بوتگ۔ آئی جنگی زانت، آئی تیزی ءُ نہ ترسی دیستگ اَنت گڑا آئی ءَ پتھ اسکواڈ ءَ ھوار کرتگ۔ آپریشن درہ بولان ءَ آ بنداتی سپاھی بوتگ کہ شھر ءَ پتروکیں بنداتی سرمچاراں یکے بوتگ۔ چہ آئی نہ ترسی ءَ بی ایل اے ءَ مچ شھر دست ءَ داشتگ۔
آئی ءَ گوشتگ کہ بی ایل اے ھمے درسیں شھیدانی ھمت، جوانمردی ءُ بے دروریں دیمونیاں منّ ایت ءُ آیاں ستک شانی ندر کنت۔ چہ شھیدانی ھوناں آجوئی ءِ راہ سمبھین ایت ءُ کاروان ءِ گڈی منزل بلوچستان ءِ آجوئی بیت۔ بلوچ راج اے گرانکدریں شھیداں یاد کنت ءُ آیانی جوانمردی کساں وتی لولیانی تہ ءَ آؤکیں پدریچاں سر کنت ءُ ھمے پدر کنت کہ اے راج وتی جوانمرداں کدی بے ھال نہ کنت۔
جارکش ءَ گوشتگ کہ بی ایل اے گپ ءَ تچک کنگ لوٹ ایت کہ نادراھجاہ ءِ مردگجاہ ءَ ھمے کہ 14 لاش ایر اِنت چہ آیاں دوازدہ پدائیانی لاش اَنت۔ چہ آیاں دو مردم بی ایل اے ءِ نہ اَنت۔ چہ اے دوئیں لاشاں یکے ھندی لیویز کارمند ءُ یک دگہ کارگسے ءِ پھازدار اِنت۔ کجامی کہ بی ایل اے ءِ دیم ءَ سلاہ چگل داتگ اَنت آ رند ءَ یک کوٹی یے ءَ چیر بوتگ اَنت ءُ جنگ ءِ ھلاسی ءِ ودار ءَ بوتگ اَنت۔ بلے ایپ سی ترس آماچ بوتگ ءُ مارٹر آس دیگ بندات کرتگ۔ چہ ایشی ءَ سرمچار پھریز بوتگ اَنت بلے یک مارٹر ءِ گولایے دو بے میاریں مردم زدگ ءَ کپتگ ءُ بیران بوتگ اَنت۔ آ کھولاں پجہ آورتگ اَنت۔
