ماسکو: روس ءَ یوکرین ءِ بنجاھی شھر ءَ ھوار جتاھیں شھراں بازیں میزائلے آس اتگ، مردماں وتی ماڑی یل داتگ اَنت ءُ جستگ اَنت۔
جھانی رسانکدر ءِ رد ءَ روس ءِ نیمگ ءَ اُرش شمبے ءَ بندات بیتگ ءُ یوکرین ءِ شھراں میزائل اُرشانی درچ دوبر تیز کنت بیتگ۔
روس ءِ نیمگ ءَ گْوَستگیں بیست ءُ چار دارانی تہ ءَ درزنانی کَچ ءَ میزائل اُرش کنگ بیتگ۔ یوکرین سرکار ءِ گوشگ اِنت کہ ھپت شھرانی تہ ءَ میزائل اُرش ءَ دہ مردم مرتگ ءُ شست مردم ٹپی بیتگ۔
یوکرین ءِ بنجاھی شھر کیپ ءَ میزائل یک مساپر بس اڈھے کپتگ بازیں بسے ءَ بُن کرتگ۔
کیپ ءَ میزائل اُرش ءَ پنچ مردم جاھی مرتگ ءُ درزنانی کچ ءَ ٹپی بیتگ اَنت۔
جھانی رسانکدر ءِ رد ءَ روس ءَ یوکرین ءِ بنجاھی شھر ءَ کیپ ءَ اَبید دگہ ھم ھپت مزنیں شھراں میزائل اُرش کرتگ۔
بنشون: جھانی رسانکدر | اکس: دامگ
