یونان: یونان ءِ نزیک ءَ چہ موسم ءِ ھرابی ءِ سوب ءَ باھوٹیانی دو لانچانی بڈُگ ءَ شازدہ جنیناں ھوار ھژدہ مردم مرتگ ءُ بازینے بیگواہ اِنت۔
جھانی رسانکدر ءِ رد ءَ یونان ءِ دریا ءَ توپان ءِ شکار بیتگیں لانچ ءَ چِل مردم سوار بیتگ، چہ آیاں شازدہ مردم مرتگ ءُ نو مردم زند ءَ کشگ بیتگ دگہ پازدہ مردم انگت بیگواہ اِنت، بیگواھیں مردمانی پَٹ ءُ پول برجاہ اِنت۔ یونان سرکار ءِ گوشگ اِنت کہ دریا ءِ اے ھرابیں موسم ءَ تباہ بیتگیں لانچ سواریں درسیں مساپر جنین بیتگ اَنت۔
دومی نیمگ ءَ باھوٹیانی دگہ یک لانچے بُڈگ اِتگ کہ آئی ءَ 95 مردم سوار بیتگ۔
چہ اے تباہ بیتگیں لانچ ءِ مردماں ھشتاد مردم زند ءَ کشگ بیتگ ءُ دو مردم مرتگ، آدگہ مردمانی پَٹ پول برجاہ اِنت۔
بنشون: جھانی رسانکدر | اکس: دامگ
