بلوچ راجی زْرمبشت ( بی این ایم ) ءَ پاکستانی لشکر ءِ دست ءَ بلوچ جنینانی زورانسری بیگواھی ءِ بگیری ءَ نیدر لینڈ ءِ بنجاھی شھر ایمسٹرڈم ءَ زھرشانی کرتگ۔ آیاں بلوچستان ءَ جنینانی زورانسری بیگواھی ءُ مردمی اگبالانی لپاشگ دیم ءَ آرتگ اَنت۔
آیاں ءَ بینر، پوسٹر ءُ پلے کارڈ دست ءَ بیتگ، آیانی سر ءَ بلوچ راجی آجوئی ءِ ھک ءَ اوگام نبشتہ بیتگ۔ پہ بلوچستان ءِ جاورانی سرپدی دیگ ءَ پنتانک بھر ءُ بانگ کنگ بیتگ۔
بی این ایم نیڈر لینڈ چیپٹر ءِ پیشیگیں کماش کیا ءَ تران کرتگ ءُ گوشتگ کہ اے اولی رند نہ اِنت کہ پاکستانی لشکر بلوچ جنیناں زورانسری آوار جنگ ءَ اَنت، چہ ایشی ءَ پیش ھزاراں بلوچ جنین پنجگور، مشکے، آواران، ڈیرہ بگٹی، کوھلو، کاھان ءَ زورانسری آوار جنگ بیتگ۔
اگاں پاکستان ھمے سرپد بیت کہ آ بلوچ جنیناں زورانسری آوار جنت ءُ آیانی مردیناں پہ سلام کنگ ءَ لاچار کنت ءُ چہ آجوئی ءِ جنز ءَ دست کش کنت اے آئی ءِ نابزانتی اِنت۔ بی این ایم مردمی اگبالانی ڈیپارٹمنٹ ءِ رسانکدری منیجر جمال ءَ گوشتگ کہ گوں میان استمانی توانمنداں لوٹ کن آں کہ آ بلوچ جنینانی آجوئی ءُ زورانسری بیگواھی ءِ گِر ءُ دار کنگ ءَ وتی کرد ءَ پیلو بہ کنت۔ بنشون: درشان | اکس: بی این ایم
بلوچ جنینانی زورانسری بیگواھی ءِ بگیری ءَ بی این ایم ءَ نیدر لینڈ ءَ زھرشانی کرتگ۔
بلوچ جنینانی زورانسری بیگواھی ءِ بگیری ءَ بی این ایم ءَ نیدر لینڈ ءَ زھرشانی کرتگ۔
![](https://zrumbesh.com/wp-content/uploads/2024/02/pr0.jpg)