دمشک:شام ءِ بنجاھی شھر دمشک ءَ اسرائیل ءِ میزائل اُرشے ءَ دو لس شھری مُرتگ۔
رسانکدر ءِ رد ءَ دو شمبے ءِ روچ ءَ اسرائیل ءَ اُرش چہ لبنان ءِ بنجاھی شھر بیروت ءِ سر ءَ کُرتگ ءُ شام ءِ بالی لشکر ءَ بازیں میزائلے تباہ کُرتگ۔
اسرائیل ءَ شامی لشکری ڈوار نشانگ کُرتگ اَنت بلے چہ ایشی ءَ دو لس مردم مُرتگ ءُ دگہ بازیں تاوان بیتگ۔ھمے وڑ ءَ 23 پروری ءَ دمشک ءَ اسرائیل ءِ میزائل اُرشے ءَ شام ءِ سَے لشکر مُرتگ اَت۔
بنشون:جھانی رسانکدر /اکس: دامگ
