تربت ءِ ھند جدگال ڈن ءَ پاکستانی پوج ءِ دست ءَ زور بیگواھیں ورنا کمبر الی ءِ لاش دزکپتگ۔
بنشون ءِ رد ءَ بیران بوتگیں کمبر الی ء ھدا بکش بلیدہ ءِ میتگ بٹ ءِ جاہ منند اِنت۔ کمبر الی پاکستانی پوج ءَ ھپت ءُ ھشت اکتوبر 2025 ءِ میانی شپ ءَ چہ بلیدہ ءِ میتگ سلو ءَ گوں دگہ مراد جان نامیں ورنایے ءَ آوار جتگ ءُ بیگواہ کرتگ اَت۔ شش ماہ ءِ زوریں بیگواھی ءَ پد آئی تیرسپتگیں لاش چہ جدگال ڈن ءَ دزکپتگ۔
چوش کہ لھتیں روچانی میان ءَ چہ تربت ءِ کِر ءُ کشاں چار مردم ءِ لاش دزکپتگ۔
بنشون: رسانکدر اکس: اھوالکار
