ھزدار ءُ شال ءَ پاکستانی پوج ءِ دست ءَ زوربیگواہ کرتگیں زالبول ھیات بی بی ءَ ھوار دو مردم آجو بوتگ۔
اھوالکار ءِ رد ءَ آجو بوتگیں زالبول ھیات بی بی ء اھمد مشکے نوکجو ءِ جھمنند اِنت ءُ انوں ھزدار گزگی ءَ نشتگ۔ ھیات بی بی پاکستانی پوج ءَ 20 پروری 2026 ءَ چہ ھزدار گزگی ءَ آوار جنگ ءَ پد بیگواہ کرتگ اَت۔
چوش کہ پاکستانی پوج ءَ چہ ھزدار ءُ ھب چوکی ءَ گوں ھیات بی بی ءَ ھوار آئی کھول ءِ دگہ دہ مردم آوار جتگ اَت۔
دومی نیمگ ءَ چہ شال ءَ آوار جنگ بوتگیں پھیم سمالاڑی ء مھمد اسمان آجو بوتگ۔
آجو بوتگیں پھیم سمالاڑی پاکستانی پوج ءَ چہ شال ءَ یک مارچ ءَ آوار جنگ ءَ پد بیگواہ کرتگ اَت۔ آ 21 مارچ ءَ آجو بوتگ ءُ وتی گس ءَ سر بوتگ۔
ھیات بی بی ءُ پھیم سمالاڑی ءِ آجوئی ءِ گپ بلوچ یکجھتی کمیٹی ءَ راست کرتگ اَنت۔
بنشون: رسانکدر اکس: رسانکدر
