بلوچستان لبریشن پرنٹ ءِ جارکش میجر گھرام بلوچ ءَ وتی درشان ءَ گوشتگ کہ بی ایل ایپ ءِ سرمچاراں 3 اپریل 2026 ءَ نوشکی زنگی ناوڑ ءَ پولیس چوکی ءِ سر ءَ ارش کرتگ ءُ سرجم ءَ دستیگ کرتگ۔ اے کاروائی ءِ میان ءَ چوکی ءِ درسیں پولیس دزگیر کرتگ اَنت ءُ جست ءُ پرس کرتگ اَنت ءُ سرکاری وتاس ءَ ھوار آدگہ درسیں پوجی ساز ءُ سامان پل اتگ اَنت۔ رند ءَ پولیس پہ انسانی ھمدردی ءِ بنیاد ءَ یل داتگ اَنت ءُ چوکی مانداشتگ۔
آئی ءَ گوشتگ کہ دگہ یک کاروائی یے ءَ بی ایل ایپ ءِ سرمچاراں یک اپریل 2026 ءَ نوشکی ءِ ھند اھمد وال ءَ شھدگ بستگ۔ اے دگ بندی ءِ بنیادی مول زورگریں پوج ءُ آئی کمکارانی ترّ ءُ گرد ءِ دارگ ءُ گل ءِ مھکمی ءِ برجاہ دارگ بوتگ۔
میجر گھرام بلوچ ءَ درشان ءِ گڈی ءَ دوئیں کاروائیانی زمہ واری منّ اتگ۔
بنشون: درشان اکس: زرمبش