شال ءَ چہ گیشیں سارتی ءَابید پہ زور بیگواھیں مردمانی آجوئی ءَ وائس پار بلوچ مسنگ پرسنز ءِ زھرشانی گدانءَ شال پریس کلب ءِ دیم ءَ 6ٍ123 روچ سرجم بوتگ۔
اے میانءَ جتائیں بھرگاں سیادی داروکیں مردم پہ ھمدردی درشان کنگ ءَ گدان ءَ اتکگ اَنت ءُ آیاں زوریں بیگواھیانی بگیری ءَ وتی زھرشانی یاداشت کرتگ ءُ گوں کھولاں ھمدردری درشان کرتگ۔ آیاں بلوچستانءَ زوریں بیگواھی ءُ درکانودی کوشانی سرءَ بژن درشان کرتگ ءُ بیگواھیں مردمانی آجوئی ءِ لوٹ کرتگ۔
اے بابت ءَ نیاز مھمد تران کرتگ ءُ گوشتگ کہ مئے اے پر ایمنیں جھد داں بلوچستان ءَ زوریں بیگواھی ءُ درکانودی کوشانی گامگیج ءِ ھلاسی ءُ زور بیگواھیں مردمانی آجوئیءَ برجاہ بیت۔
بنشون: درشان اکس: وی بی ایم پی
