وائس پار مسنگ پرسنز آپ سند یورپ چیپٹر ءِ نیمگ ءَ دو اپریل 2026 ءَ نیدرلینڈز ءِ شھر دی ھیگ ءَ میان استمانی آمیدگس ءِ دیم ءَ زھرشانی کنگ بوتگ۔ اے زھرشانی ءِ سروکی گل ءِ کوآرڈینیٹر سارنگ سندھی ءُ ڈپٹی کوآرڈینیٹر سئید سندھی ءَ کرتگ۔
زھرشانی کنوکاں سند ءِ سیاسی کارکن ءُ لس شھریانی زوریں بیگواھی ءِ بگیری ءَ توار چست کرتگ ءُ پہ آیانی سلامتی آجوئی ءَ لوٹ کرتگ۔
زھرشانی کنوکانی گوشگ اِنت کہ سند ءَ ھمک ھپتگ ءَ مردم زور بیگواہ کنگ بوگ ءَ اَنت، آیانی تہ ءَ گیشتر سیاسی کارکن اَنت۔
آیاں گوشتگ کہ چہ 2020 ءَ پد زوریں بیگواھی گیش کنگ بوتگ ءُ داں انوں دہ ھزار ءَ گیش مردم زور بیگواہ اِنت کہ آیانی تہ ءَ پنچ ھزار ءَ گیش سیاسی کارکن اَنت۔
زھرشانی کنگ ءَ پد زھرشانی کنوکاں میان استمانی آمیدگس ءِ انتزامیہ ءَ را یک کاگدے داتگ کہ آئی تہ ءَ انسانی ھکانی بگیریانی سرجمیں ھال ھوار اَنت ءُ زور بیگواھیں راجدوستیں کارکن کہ آیانی تہ ءَ سھیل رزا بھٹی، اجاز گاھو، ایوب کندھرو ءَ ھوار آدگہ مردمانی نام ھوار بوتگ ءُ آجوئی ءِ لوٹ کنگ بوتگ۔
ادارہ ءَ دلجمی داتگ اَنت کہ چہ سند ءَ زور بیگواہ کنگ بوتگیں مردمانی پہ آجوئی ءَ کوشست کنگ بیت۔
بنشون: درشان اکس: اھوالکار
