شال ءَ پہ زور بیگواھیں مردمانی آجوئیءَ وائس پار بلوچ مسنگ پرسنز ءِ زھرشانی گدانءَ شال پریس کلب ءِ دیم ءَ گل ءِ چیئرمین نسر اللہ بلوچ ءِ سروکی ءَ 6112 روچ سرجم بوتگ۔
جتائیں بھرگاں سیادی داروکیں مردم پہ ھمدردی درشان کنگ ءَ گدان ءَ اتکگ اَنت۔
وی بی ایم پی ءَ گوشتگ کہ اے دارجکش ءُ پر ایمنیں جھد زور بیگواھیں مردمانی کھولانی درد ءُ انساپ ءِ لوٹ ءَ پیش دار ایت۔
آئی ءَ گوشتگ کہ گل ءِ لوٹ ھمیش اِنت کہ پاکستانءِ آئین ءِ سروکی ءَ دلجمی دیگ بہ بیت ءُ ڈیھ ءِ کانود ءِ رد ءَ زوت انساپ دیگ بہ بیت۔ درسیں بیگواھیں مردم زوت آجو کنگ بہ بنت، پہ زوریں بیگواھی ءُ دراکانودی کوشانی دارگءَ گامگیج زورگ بہ بیت، اے ٹوھیں جیڑہ آئین ءُ کانود ءِ رد ءَ گیش ءُ گیوار کنگ بہ بیت۔
بنشون: درشان اکس: وی بی ایم پی
