بلوچ نیشنل موومنٹ ءِ انسانی ھکانی ادارہ پانک ءَ پنجگور ءِ ھند دزناپ ءِ جاہ منندیں ورنا پراز بلوچ ء ریاز اھمد ءِ درکانودی کوش ایر جتگ۔
پانک ءِ گوشگ اِنت کہ 28 مارچ 2026 ءَ پراز بلوچ وتی گس ءَ بوتگ کہ ریاست ءِ چیردستی ءَ کارکنوکیں کشندہ ٹولی گس ءَ شتگ ءُ پہ زور آوار جنگ ءِ جھد کرتگ کہ آ پہ وتی جان ءِ پھریزگ ءَ جستگ، ھمے میان ءَ آیاں تیرگواری کرتگ ءُ تچک ءَ نشانگ کرتگ چہ ایشی آ سکا ٹپی بوتگ۔
آئی ءَ گوشتگ کہ چم دیستگیں مردمانی رد ءَ گوں ٹپی ئیں جاوراں آیاں پد ءَ پراز ءِ سر ءَ تیرگواری کرتگ کہ آ جاھی بیران بوتگ۔ اے پہ زانت گیشتریں زوراکی ءَ پیش دار ایت بلوچستان ءَ آزاردھی ءُ زوراکیانی درچ برجاہ اِنت۔
بنشون: درشان اکس: پانک
