بلوچ نیشنل موومنٹ ءِ انسانی ھکانی ادارہ پانک ءَ تربت ءِ جاہ منندیں ورنا یاور ھبیب ءِ کوش ایر جتگ ءُ گوشتگ کہ اے ویل بلوچستان ءَ برجاھیں زوریں بیگواھیانی ٹوھیں جیڑہ ءَ یکبرے پد ءَ پیش دار ایت۔
آئی ءَ گوشتگ کہ یاور ھبیب ء ھبیب بلوچ یک درزی یے ءُ تربت ءِ ھند اومری کھن ءِ جاہ منند اِنت۔ 16 جون 2025 آ روچ ء رھمان ءَ چہ تربت آمیدگس ءِ دیم ءَ آوار جنگ بوتگ۔ چم دیستگیں مردمانی رد ءَ پاکستانی پوج ءَ آوار جتگ۔
پانک ءِ گوشگ اِنت کہ یاور ھبیب داں نُھ ماہ ءَ بیگواہ بوتگ۔ اے میان ءَ آئی کھول ءَ ھرپیمیں جھد کرتگ، آمیدگس، انسانی ھکانی گل ءُ رسانکدر ءِ کمک لوٹ اتگ، بلے آیاں ھچ سرپدی نہ رستگ۔ پانک ءَ ھم اے کیس یاداشت کرتگ ءُ چہ ادارھاں کاروائی ءِ لوٹ کرتگ۔
آئی گوشتگ کہ 27 مارچ 2026 ءَ یاور ھبیب ءِ تیرسپتگیں لاش چہ تربت ءِ ھند بانک چڑائی ءَ دزکپتگ۔ ھالانی رد ءَ آ بندیگجاہ ءَ کشگ بوتگ۔
انسانی ھکانی ادارہ ءَ لوٹ کرتگ کہ اے ویل ءِ بابت ءَ پٹ ءُ پول کنگ بہ بیت، زمہ وار کانود ءِ رد ءَ سزا دیگ بہ بنت ءُ زوریں بیگواھی زوت بند کنگ بہ بیت۔
بنشون: درشان اکس: پانک
