دکی ءَ پولیس ءُ اے ٹی ایپ ءَ یکجاھیں کاروائی یے ءَ دو سلاہ بندیں مردمانی جنگ ءِ ٹاپار جتگ۔
لورالائی ءَ ڈی آئی جی جنید اھمد شیک ءِ رد ءَ چیریں ھالے ءِ پژدر ءَ لونی ءِ ھند کلی بکتیار ھان ءَ کاروائی کرتگ کہ اود ءَ پاکستانی پوج ءُ سلاہ بندانی میان ءَ میڑے بوتگ۔ میڑ ءَ دو سلاہ بندیں مردم سنااللہ ء بیبت مری ءُ جمال ھان ء دولت پنام دولے مری جنگ بوتگ انت۔ دوئیں مردم پاکستانی پوج ءِ سر ءَ اُرشاں ھوار بوتگ اَنت۔
آئی گوشتگ کہ کاروائی ءِ میان ءَ اے ٹی ایپ ءِ یک کارمندے ٹپی بوتگ۔ آ پہ الاج ءَ نادراھجاہ ءَ برگ بوتگ۔
ڈی آئی جی ءَ گوشتگ کہ کشگ بوتگیں دوئیں مردم رمزان ءِ ماہ ءَ پاکستانی پوج ءِ سر ءَ بوتگیں اُرشاں ھوار بوتگ اَنت کہ اے اُرشاں پنچ کارمند مرتگ اَت۔ کاروائی ءِ وھد ءَ چہ آیاں بازیں کچے ءَ سلاہ ءُ تراکناکیں شورہ دستیگ کرتگ۔
بنشون: رسانکدر اکس: دامگ
