بلوچ یکجھتی کمیٹی ءَ وتی شنگ کرتگیں درشانے ءَ گوشتگ کہ سوراب ءِ جاہ منندیں ابید اللہ بلوچ ء امان اللہ پاکستانی پوج ءَ نشانگ کرتگءُ کشتگ۔ آئی جپاکشی کرتگ ءُ وتی کھول والینتگ، آ واتری وتی گس ءَ آھگ ءَ بوتگ کہ ھاجیکا دوراھی ءِ نزیک ءَ تیر جنگ ءُ کشگ بوتگ ءُ پد آئی سر ءَناشرکاری ءِ بھتام جتگ۔
آئیءَ گوشتگ کہ انسانی ھکانی گلانی رد ءَ بلوچستانءَ پاکستانی پوج ءِ دستءَ لس شھریانی کشگ ءُ زور بیگواہ کنگ دودے جوڑ بوتگ، رند ءَ آیانی سر ءَ ناشرکاری ءِ بھتام ءَ جنت۔ انچوش گمان کنگ بوگ ءَ اِنت کہ اد ءَ کانود ءِواکداری نیست ءُ مارشلا اِنت۔
بی وائی سی ءَ گوں میان استمانی انسانی ھکانی گلاں لوٹ کرتگ کہ آ زوت دلگوش بدے اَنت ءُ پٹ ءُ پول بہ کن اَنت ءُ پہ شھریانی پھریزگ ءَ وتی کرد ءَ پیلو بہ کن اَنت۔
بنشون: درشان اکس: بی وائی سی
