کیچ: تجابان ءَ زورگریں پاکستانی لشکر ءِ دست ءَ زور بیگواہ کنگ بوتگیں نودربر بھادر ء چاکر آجو بوتگ۔
بھادر چاکر پاکستانی لشکر ءُ چیریں ادارھانی کارمنداں شمبے ءِ شپ ءَ چہ تجابان ءَ سنگ کلات ءَ آوار جتگ ءُ بیگواہ کرتگ۔ آئی زوریں بیگواھی ءِ بگیری ءَ کھول ءَ سے روچ اِنت کہ زھرشانی ءَ سی پیک دگ بند کرتگ ءُ نشتگ اَنت۔ بھادر چاکر دو روچ ءِ زوریں بیگواھی ءَ پد مرچی آجو بوتگ۔
بھادر چاکر ءِ آجوئی ءِ گپ آئی برات شے چاکر ءَ راست کرتگ ءُ ماں چاگردی رسانکدر ءَ آئی آجوئی ءِ اکس شنگ کرتگ ءُ درسیں مردمانی منت گپتگ۔
