بلوچ یکجھتی کمیٹی ( بی وائی سی ) ءَ وتی درشانےءَ گوشتگ کہ ابداللہ پنجگور ءِ ھند ریش پیش ءِ جاہ منند اِنت ءُ ڈرائیورے، 20 مارچ 2026 ءَ پنجگور ءَ نشانگ کنگ ءُ کشگ بوتگ۔
آئی ءَ گوشتگ کہ بی وائی سی بلوچستان ءَ برجاھیں نشانگ کنگ ءُ کشگ، زوریں بیگواھی ءُ درکانودی آزاردھیاں ایر جنت۔ ائید ءَ یک روچے پشت کپتگ، بلے بلوچ مھلوک ءِ یکشل ءَ نشانگ کنگ برجاہ بوتگ۔
آئیءَ گوشتگ کہ اے چونیں ریاستے ائید ءَ پرسیگ کنت، کھول چہ شاتکامی ءَ ابید پہ جنازھاں بھر زورگ ءَ لاچار بہ بنت۔بلوچستانءَ وشیانی جاہ ءَ گم گرگ ءَ اَنت۔ جان زوال بوگ ءَ اَنت بلے ھمک نیمگ ءَ بے تواری اِنت۔
بی وائی سی ءَ گوں انسانی ھکانی گلاں لوٹ کرتگ ءُگوشتگ کہ بلوچانی کوش دودے جوڑ بوتگ ءُ جست گروک نیست۔ نزورینانی توار دارگ نہ بیت، اے ناھکیانی بگیری ءَ گوں بلوچ مھلوک ءَ اوشتاتگ ایں۔
بنشون: درشان اکس: بی وائی سی
