روس ءَ پیسبک ، ٹوئٹر ءُ یوٹیوب ءِ سر ءَ پابندی جنگ بیتگ
ماسکو:روسی رسانکدر ءِ رد ءَ روسی سرکار ءِ نیمگ ءَ پیسبک ، ٹوئٹر ءُ یوٹیوب ءِ سر ءَ پابندی جنگ بیتگ۔چہ ایشی ءَ پیش روس ءَ جھانی رسانکدر بی بی سی ءِ سر ءَ ھم پابندی جتگ اَت۔
روس ءَ میڈوزا ءُ ریڈیو لبرٹی رسانکدر ھم بند کُرتگ اَنت۔
روسی دری کارانی وزیر ءَ گْوشتگ کہ بی بی سی پہ روس ءِ ایمنی ءِ زوال کنگ ءَ کارمرد کنگ ءَ بیتگ اَنت۔
ماسکو ءِ گْوشگ اِنت کہ برتانیا ءَ ھوار دری رسانکدر جھان ءِ دیم ءَ روس ءِ جنگ ءَ دگہ وڑ پیشدارگ ءَ اَنت بلے روکپتی ڈیھاں اے ٹاپار رد کُرتگ۔
بنشون: جھانی رسانکدر/اکس: دامگ
