بلوچ یکجھتی کمیٹی ءِ سروک ڈاکٹر سبیہ بلوچ ءَ وتی درشانے ءَ گوشتگ کہ یک سیاسی سروکے داں سالاں انچیں کیساں بند کنگ بہ بیت آئی سر ءَ میارباری سرزد مہ بیت، اے نہ تھنا کانودی راھبند بلکیں بنکی انساپ ءِ لوٹانی بگیری اِنت۔
آئی ءَ گوشت کہ الی وزیر ءِ آجوئی یک جوانیں گامگیجے ءُ اے کانود ءِ سروکی ءَ یک شریں کدمے زانگ لوٹ ایت۔
ڈاکٹر سبیہ بلوچ ءَ گوشتگ کہ ھمے اوست ءَ دار ایں کہ آمیدگس ءُ آدگہ جج ھم آئین ءُ کانود ءِ پاسداری ءَ گاماں ایر کن اَنت پہ انساپ دیگ ءَ جوانیں کرد پیلو کن اَنت، ءُ ڈاکٹر ماہ رنگ، ایمان مزاری، ھادی، بیبو، شاہ جی، گل زادی ءُ بیبرگ ءَ ھوار پہ آدگہ بندیگیں سیاسی بندیگانی بے بنیادیں کیساں شریں وڑے ءَ ھلاس کن اَنت ءُ آیاں یل کن اَنت۔
بی وائی سی ءِ سروک ءَ گوشتگ کہ الی وزیر، آئی کھول ءُ پشتون تھپز موومنٹ ءِ کارکناں آجوئی مراد بات۔
بنشون: درشان اکس: دامگ
