بلوچ آجوئی لوٹوکیں رھشون ءُ بلوچستان لبریشن پرنٹ ( بی ایل ایپ )ءِ سروک ڈاکٹر اللہ نزر بلوچ ءَ ماں ٹروتھ سوشل ءَ وتی شنگ کرتگیں درشانے ءَ گوشتگ کہ چونیں ھم مردمے چہ آجوئی زرمبشت ءَ دیم ءَ نہ اِنت۔ اگاں (فتنہ الارض) پنجاپی پوج پَنجگُور ءِ وڑیں یک شھرے ءَ بیست بلوچ کش ایت گڑا میان استمانی تک ءُ پہ انسانی ھکانی گلاں اے جست کنگ ءِ ھچ وڑیں نیمون پشت نہ کپ ایت کہ بلوچ آجوئی لوٹوک پنجاپ ءَ پترتگ اَنت۔ (فتنۃ الارض ) پوج ءِ اے گامگیج ءَ آجوئی لوٹوکان ءَ پہ اے کدم ءِ زورگ ءَ ھم لاچار کرتگ۔
آئی ءَ گوشتگ کہ ما پہ وتی دودمان، پجار ءُ سرڈگار ءَ جاناں ندر کنگ ءَ ایں۔ وتی پل اِتگیں آجوئی ءِ پچگرگ مئے جائزیں ھک اِنت۔ چہ ایشی ءَ ابید وھدے کہ بلوچ چکچینی ءِ گپ بیت گڑا میان استمانی تک ءُ پنجاپی دانشور وت ءَ گُنگ کن اَنت۔
بلوچ رھشون ءَ گوشتگ کہ ما چہ نزیک ءَ گندگ ءَ ایں کجام وڑ ءَ میان استمانی ادارھاں وتی اتھادی پاکستان ءِ لشکری ریاست ءِ گون ءَ ھواری ءَ وتی پالیسی برجاہ داشتگ اَنت۔ انوں ما وتی جھد داں بلوچستان ءَ داشتگ بلے پہ جنگ ءَ داں پنجاپ ءِ دلبند ءَ سر کنگ ءَ دگہ ھچ راہ پشت نہ کپ ایت۔
بنشون: درشان. اکس: دامگ
