کیچ: پاری اکتوبر پاکستانی پوج ءِ دست ءَ زور بیگواہ کنگ بوتگیں ورنا کمبر ھدابکش ءِ کھول ءَ چہ سرکار ءُ ادارھاں پہ آئی آجوئی ءَ لوٹ کرتگ۔
کھول ءِ گوشگ اِنت کہ کمبر ھدا بکش اکتوبر 2025 ءَ پاکستانی پوج ءَ بلیدہ ءَ چہ گس ءَ آوار جتگ ءُ بیگواہ کرتگ کہ انگت بیگواہ اِنت۔
آئی ءَ گوشتگ کہ کمبر ھدا بکش ءِ زوریں بیگواھی ءَ پنچ ماہ ءُ نیم اِنت کہ آئی بابت ءَ مارا ھچ وڑیں سرپدی دیگ ءَ نہ اَنت چہ ایشی مئے کھول جنجال اِنت۔
کھول ءَ گوشتگ کہ کمبر ھدابکش یک کسانیں زھگے اگاں آئی دست ءَ چونیں ھم ردی یے بوتگ ما آئی ءِ ماپی ءَ لوٹ ایں۔
کھول ءَ گوشتگ کہ پہ رمزان ءِ پاکیں ماہ ءِ درگت ءَ گوں ادارھاں لوٹ کن آں کہ آ کمبر ھدابکش ءَ زوت آجو بہ کن اَنت ءُ کھول ءَ چہ اے رنجاں بہ رکین اَنت۔
بنشون: درشان اکس: رسانکدر
