گْوادر\تربت: بلوچ سرمچاراں پاکستانی پوج ءِ سر ءَ اُرش کرتگ۔
اھوالکار ءِ رد ءَ سرمچاراں جیونی پانوان ءَ پاکستانی کوسٹ گارڈ ءِ کارمندانی سر ءَ ھما وھد ءَ اُرش کرتگ کہ آ مردماں زر گرگ ءَ بوتگ اَنت۔ اُرش ءِ آسر ءَ دو کارمند جاھی مرتگ۔
ھمے وڑ ءَ تُربَت بالی پٹ ءَ سرمچاراں پاکستانی پوج ءِ چوکی ءُ جیٹ پیول ءِ سائٹ ءَ اُرش کرتگ۔
اھوالکار ءِ رد ءَ اے اُرش یک شمبے ءِ شپ ءَ کنگ بوتگ کہ تربت بالی پٹ ءَ تیر ءُ تراکانی توار اُش کنگ بوتگ اَنت۔ اُرش ءِ آسر ءَ پاکستانی پوج ءِ جانی تاوان ءِ گمان اِنت۔
دوئیں اُرشانی زمہ واری انگت ھچ گل ءَ نہ زرتگ۔
بنشون: رسانکدر اکس: زرمبش
