بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی درشان ءَ گوشتگ کہ بی ایل ایپ ءِ سرمچاراں چار مارچ 2026 ءَ چیریں ھالے ءِ پژدر ءَ تمپ ءِ ھند کونشکلات ءَ کاروائی کرتگ ءُ ریاست ءِ چیردستی ءَ کار کنوکیں کشندہ ٹولی ءِ کارمند مسلم ء اسمائیل کشتگ۔
آئی گوشتگ کہ سرمچاراں کارمند ءِ دزگیر کنگ ءِ جھد کرتگ دانکہ چہ آئی جست ءُ پرس بہ کن این ءُ ھال بہ گریں۔ بلے آئی سرمچار دیستگ اَنت تچگ ءِ جھد کرتگ۔ سرمچاراں ھما وھد ءَ کاروائی کرتگ ءُ کشتگ۔
آئی گوشتگ کہ کشگ بوتگیں کارمند تمپ ءَ کشندہ ٹولی ءِ سروک سئید آبد ءِ چیردستی ءَ کار ءَ بوتگ۔ اے کارمند دیر اِنت کہ بلوچ ورنایانی چاریگی ءُ آیاں پاکستانی پوج ءِ دست ءَ زوربیگواہ کنگ ءُ گسانی لٹ ءُ پل ءَ تچک ءَ ھوار بوتگ۔
آئی گوشتگ کہ یک دگہ کاروائی یے ءَ سرمچاراں تربت ءِ ھند آبسر ءَ 12 مارچ 2026 ءَ چیریں ھالے ءِ پژدر ءَ آپریشن کرتگ ءُ کشندہ ٹولی ءِ کارمند پرویز ء نیک بھت کشتگ۔ پرویز گوست ءَ زرمبشت ءِ بھرے بوتگ۔ بلے 2017 ءَ پاکستانی پوج ءِ دیم ءَ سلاہ چگل داتگ ءُ زرمشبت ءِ بگیری ءَ سرگرم بوتگ۔
جارکش ءَ گوشتگ کہ کاروائی ءِ میان ءَ سرمچاراں آئی زندگ ءَ دزگیر کنگ ءِ جھد کرتگ دانکہ چہ آئی جست ءُ پرس کنگ بہ بیت۔ بلے آئی جنگ داتگ کہ چہ ایشی آسر ءَ آ جنگ بوتگ۔ پرویز آبسر ءِ کش ءُ پھناتاں کشندہ ٹولی ءِ سرگرمیں کارکنے بوتگ۔
جارکش ءَ گوشتگ کہ سرمچاراں یازدہ پروری 2026 ءَ تجابان ءِ ھند کرکی ءَ چیریں ھالے ءِ پژدر ءَ کاروائی کرتگ ءُ پاکستانی پوج ءُ کشندہ ٹولی ءِ چریک واھد ء کمالان دزگیر کرتگ۔
آئی گوشتگ کہ دزگیری ءَ پد چہ آئی جست ءُ پرس کنگ بوتگ کہ آئی ٹوھیں میار من اِتگ اَنت۔ میاربار ءَ من اِتگ کہ آ کشندہ ٹولی ءِ سروک سئید لانٹو ءِ سروکی ءَ کار ءَ بوتگ ءُ چار پروری 2022 ءَ بالگتر ءَ سرمچار نسیب ءُ سرمچار التاپ ءِ شھیدی ءَ تچک ءَ ھوار بوتگ۔ چہ ایشی ءَ ابید واھد ء کمالان ءَ بالگتر، ھوشاپ، تجابان ءُ کرکی ءِ جتائیں ھنداں پاکستانی پوج ءِ ھواری ءَ بازیں لشکر کشیان ءُ چاریگی کاروائیاں ھوار بوتگ۔ میارباری ءِ منگ ءُ منانک ءِ بنیاد ءَ سرمچاراں شش مارچ 2026 ءَ گڈی آسر ءَ سر کنگ بوتگ۔
میجر گھرام بلوچ ءَ گوشتگ کہ بی ایل ایپ تچک کنت کہ پہ دژمنیں پوج ءَ چاریگی کنوکیں درسیں کشندہ ٹولی ءِ چریک مئے نشانگ ءَ اَنت۔ کسے ھم بلوچ راجی زرمبشت ءِ بگیری ءَ چاریگی کنت آ گڈی آسر ءَ سر کنگ بیت۔
بنشون: درشان اکس: زرمبش
