بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ تربت ءُ پنجگور ءَ آسپ بلوچ ءُ ابد اللہ بلوچ ءِ کوش ایر جتگ۔
آئی ءَ گوشتگ کہ 8 مارچ 2026 ءَ تربت ءِ ھند ھیرونک ءَ آسپ بلوچ ء نزیر کہ سنگ آباد ءِجاہ منند اِنت ءُ یک ڈرائیورے۔ ریاست ءِ پلہ مرزیں کشندہ ٹولی ءَ تیرگواری کرتگ ءُ کشتگ۔ آسپ بلوچ یک لس شھری یے ءُ وتی کھول ءِ والینوک بوتگ۔
آئی ءَ گوشتگ کہ ھمے وڑ ءَ 10 مارچ 2026 ءَ پنجگور ءِ ھند مواچ چاراہ ءَ بیگاہ ءِ پنچ ءُ نیم ءَ ابد اللہ بلوچء کریم جان تیرگواری کنگ ءُ کشگ بوتگ۔ آئی امر بیست ءُ ھپت سال اِنت ءُ مواچ ءِ جاہ منند اِنت۔ ھندی مردمانی رد ءَ آئی کشندہ ریاستی کشندہ ٹولی اِنت۔
پانک ءِ رد ءَ دوئیں مردم لس شھری بوتگ اَنت ءُ گوں ھچ وڑیں سلاہ بندیں گلاں ھوار نہ بوتگ اَنت۔ اے وڑیں ویل ھندی مردماں ترس آماچ کنت ءُ بلوچستان ءَ لس شھریانی درکانودی کوش ءَ پیش دار ایت۔
آئی ءَ گوں میان استمانی تک ءُ انسانی ھکانی گلاں لوٹ کرتگ کہ آ بلوچستان ءِ جاورانی سر ءَ زوت دلگوش بدے اَنت ءُ پہ شھریانی پھریزگ ءَ گامگیج بزور اَنت۔
بنشون: درشان. اکس: پانک
