کیچ ءِ ھند ھوشاپ ءَ پجار نہ بوتگیں سلاہ بندیں مردماں ورنایے آوار جنگ ءَ پد کشتگ ءُ آئی لاش چگل داتگ۔
بنشون ءِ رد ءَ کشگ بوتگیں ورنا ءِ نام شریپ بلوچ ء چنگیز اِنت کہ ھوشاپ ءِ جاہ منند اِنت۔ دوشی سے موٹرسائیکل سواریں سلاہ بندیں مردماں چہ گس ءَ آوار جتگ ءُ برتگ، مرچی آئی لاش دزکپتگ۔
کھول ءَ آئی لاش دزگپتگ ءُ پہ ھژدری چار ءُ ٹپاس ءَ نادراھجاہ ءَ برتگ ءُ پد گوں لاش ءَ سی پیک دگ ءَ زھرشانی کنگ ءَ اَنت۔
زھرشانی کنوکیں مردمانی گوشگ اِنت اے ویل ءِ بابت ءَ پٹ ءُ پول کنگ بہ بیت ءُ میار بار زوت دزگیر کنگ بہ بنت۔ دانکہ مئے لوٹ منگ نہ بوتگ اَنت مئے زھرشانی برجاہ بیت۔
بنشون: رسانکدر. اکس: زرمبش
