بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ گوشتگ کہ بی ایل ایپ ءِ سرمچاراں ھشت مارچ ءَ تمپ ءِ ھند اپسی کھن ءَ زورگریں پاکستانی پوج ءِ بگیری ءَ مھکمیں آپریشن ئے کرتگ۔ آپریشن ھما وھد ءَ بندات کرتگ کہ سرمچارانی جتائیں ٹولیاں اپسی کھن ءُ شیپچار ءِ سنگم ءَ برجائیں دژمن ءِ چوکی ”پاپا ون“ ءِ دو چوکی چہ جتائیں نیمگاں انگیر کرتگ۔ بی 10 82 ایم ایم، اسنائپرز، راکٹ، ایل ایم جی ءُ گرنیڈ لانچر کارمرز کرتگ اَنت۔ اے ترندیں اُرش ءَ اود ءَ ساڑی ئیں شش کارمند مرتگ ءُ باز ٹپی بوتگ۔ چوکی ءَ سکا تاوان بوتگ۔ دژمن ءِ بگیری ءَ اے اُرش داں یک ادارے ءَ برجاہ بوتگ۔
آئی گوشتگ کہ کاروائی ءِ دومی بھر ءَ سرمچاراں اُرش ءِ درچ دراجکش کرتگ ءُ شیپچار ءِ میان ءَ برجائیں ”پاپا ٹو“ ءِ دگہ سَے پوجی چوکیانی سر ءَ یکیں وھد ءَ اُرش کرتگ۔ اے اُرش ءَ وتکاریں سلاہ ءُ مارٹر گولا ءَ جتگ۔ چہ ایشی آسر ءَ دگہ پنچ کارمند مرتگ ءُ لھتیں ٹپی بوتگ۔
جارکش ءَ گوشتگ کہ ھمے میان ءَ زورگریں پوج ءَ پہ سرمچارانی سنگرانی چارگ ءَ یک کواڈ کاپٹرے بال داتگ کہ آ سرمچاراں ھما وھد ءَ کاروائی کرتگ ءُ برز ءَ تباہ کرتگ۔ چہ ایشی ءَ دژمن ءِ بالی چاریگی نزام تاوان بوتگ۔
آئی گوشتگ کہ ابدوئی ءُ شیپچار ءِ میان ءَ وھدے پاکستانی پوج ءِ یک ٹولی یے پہ مرتگین ءُ ٹپی بوتگیں کارمندانی چست کنگ ءَ اُرش جاہ ءِ نیمگ ءَ پیداک بوتگ اَنت کہ پیسر ءَ سنگر گپتگیں سرمچاراں پوج ءِ ٹولی گوں تراکناکیں شورھاں نشانگ کرتگ۔ اُرش ءِ آسر ءَچار کارمند مرتگ ءُ گاڑی سرجم ءَ تباہ بوتگ۔
جارکش ءَ گوشتگ کہ یک دگہ کاروائی یے ءَ سرمچاراں نھ مارچ ءَ تُربَت ءِ ھند جوسک بلیدہ دوراھی ءَ گیس بروکیں باؤزر گاڑیانی ٹائر تراکینگ ءُ مانداشتگ اَنت۔ اے گاڑی پنجاپ ءَ گیس برگ ءَ بوتگ اَنت۔
میجر گھرام بلوچ ءَ درشان ءِ گڈی ءَ پازدہ کارمندانی کوش ءُ جنگی سامانانی تباہ کنگ ءُ باوزر گاڑیانی تاوان دیگ ءِ زمہ واری من اِتگ ءُ گوشتگ کہ بی ایل ایپ داں بلوچستان ءِ آجوئی ءَ دژمنیں پوج ءِ سر ءَ ترندیں اُرشاں برجاہ دار ایت۔
بنشون: درشان اکس: زرمبش
