جنیوا: روس ءِ دری کارانی وزیر سرگئی لاوروپ سلامتی کونسل ءِ دیوان ءَ ماں تامُربندے ءَ تران کنان ءَ گْوشتگ کہ سیمی جھانی جنگ گوں زھرناکیں سلاھاں بناہ بیت ءُ باز تباھی کنت۔
روس ءِ دری کارانی وزیر سرگئی لاوروپ ءَ یوکرین ءِ بابت ءَ زھرناکیں سلاھانی کارمرد کنگ ءِ بابت ءَ گْوشتگ کہ آگاں سیمی جھانی جنگ بندات بوت گڑا پہ دُرساں تباھی یے بیت۔ آسٹریلیا ءِ نیمگ ءَ یوکرین ءَ زھرناکیں سلاھانی دیگ ءِ بابت ءَ سرگئی لاوروپ گْوشتگ کہ چہ ایشی ءَ پہ یوکرین ءَ گیش جنجال ودے بیت۔
آئی گْوشتگ کہ روکپتی ڈیھانی نیمگ ءَ جنگ بیتگیں پابندیانی دیمپانی کنگ ءَ جاڑی ایں۔
ما ھمے اوست ءَ دار ایں کہ اے میان ءَ روسی لیبی،اھوالکار ءُ سروک نشانگ کنگ نہ بنت۔
آئی گْوشتگ کہ یوکرین ءِ سر ءَ ما لشکرکشی کنگ ءَ ایں بلے اے بابت ءَ مردمی اگبالانی ھیال گْور کنگ بیگ ءَ اِنت۔
دومی نیمگ ءَ سرگئی ءِ تران کنگ ءِ وھد ءَ سلامتی کونسل ءَ بازیں ڈیھانی سپارتکاراں زھرشانی کُرتگ ءُ چہ دیوان ءَ پاد اَتکگ ءُ شُتگ اَنت۔
اے میان ءَ زھرشانی کنوکاں یوکرین ءِ بیرک چِست کُرتگ ءُ یوکرین ءِ ھک ءَ اوگام جتگ۔ امریکہ ءَ چہ اکوام متھدہ ءَ لوٹ کُرتگ کہ روس چہ اکوامتھدہ ءِ باسکی ءَ کشگ بہ بیت۔
بنشون: جھانی رسانکدر /اکس: دامگ
