بلوچ یونائیٹڈ آرمی ( یو بی اے ) ءِ جارکش دوستین بلوچ ءَ وتی درشان ءَ گوشتگ کہ یو بی اے ءِ سرمچاراں 6 مارچ ءِ نیمروچ ءِ دوازدہ ءُ نیم ءَ کچی ءِ ھند نوشم کچی ءُ ڈاڈر ءِ دگ بستگ ءُ شکی ئیں گاڑی یے ءِ پہ اوشتگ ءَ دست داتگ، گاڑی ءِ مردماں تچگ ءِ جھد کرتگ، ھمے میان ءَ چہ سرمچارانی تیرگواری ءَ شال ءِ نائب تھسیلدار شیردل ابڑو جاھی مرتگ۔
آئی ءَ گوشتگ کہ دگ بندی ءِ میان ءَ دگہ یک کاروائی یے ءَ دولت ھان کیری ء جیوڑں دزگیر کرتگ کہ آ پہ ریاست ءَ چاریگی ءَ بوتگ ءُ چہ بلوچ آجوئی لوٹاں شکی بوتگ۔ جست ءُ پرس ءِ میان ءَ دولت ھان کیری ءَ وتی درسیں میارباری منّ اتگ اَنت۔ آئی ءَ گوشتگ کہ آئی گوں ریاستی ادارھاں ھواری ءَ باز بلوچ ورنا دزگیر کناھینتگ، جتائیں جاھاں بلوچ آجوئی لوٹوک پیش داشتگ اَنت ءُ بلوچ آجوئی لوٹوکیں سنگت شھید اسمائیل پنام سوپی ءِ شھیدی ءَ تچک ءَ ھوار بوتگ۔ گیشتریں جست ءُ پرس ءِ میان ءَ آئی کچی ءُ ڈاڈر ءِ جتائیں ھنداں پہ ریاست ءَ کار کنوکیں آدگہ چاریگانی نام گوشتگ اَنت۔ اے مردم گوستگیں چنچو سال اِنت پہ پاکستانی چیریں ادارھاں کار ءَ اِنت۔
مزار بلوچ ءَ گوشتگ کہ چہ میارباریانی منّگ ءَ پد بلوچ آمیدگس ءَ مرگ ءِ سزا داتگ آئی سر ءَ زی 6 مارچ ءَ کار کنگ بوتگ۔
بنشون: درشان. اکس: زرمبش
