بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ گوشتگ کہ سرمچاراں پنچ مارچ ءِ سھب ءِ نھ ءَ داں نیمروچ ءِ دو ءَ بیسیمگ ءِ ھند پتک ءَ سی پیک شھدگ بستگ ءُ گاڑی پٹ ءُ پول کرتگ اَنت۔ پٹ ءُ پول ءِمیان ءَ گوں ریاستی ادارھانی مردم دزگیر کرتگ ءُ جست ءُ پرس کرتگ اَنت۔ زرمبشت ءِ بگیری ءَ دژمنی ءَ ھواری ءِ تچکیں منانک ءِ نہ بوگ ءُ بلوچ بوگ ءِ بنیاد ءَ یل داتگ اَنت۔
آئی گوشتگ کہ دگ بندی ءِ وھد ءَ زورگریں پاکستانی پوج ءَ سرمچارانی بگیری ءَ دیم ءَ آیگ ءِ جھد کرتگ کہ پیسر ءَ سنگر گپتگیں سرمچاراں گوں ترندیں اُرشاں پدکنزینتگ۔ دژمن ءَ کواڈ کاپٹرانی سر ءَ چہ برزا چارگ ءُ اُرش کنگ ءِ جھد کرتگ بلے سرمچاراں وتی چیرنگی ھنر ءِ سر ءَ کار کرتگ ءُ دو کواڈ کاپٹر نشانگ کرتگ ءُ دور داتگ اَنت۔ چہ ایشی ءَ دژمنیں پوج ءِ اُرش بے سوب بوتگ۔
جارکش ءَ گوشتگ کہ ھمے روچ ءَ یک دگہ کاروائی یے ءَ سرمچاراں ھب دریجی دگ ءَ ریاست ءِ چاریگی ٹاور مانداشتگ۔ اے سوبمندیں کاروائی ءِ آسر ءَ دژمن ءِ چاریگی نزام سرجم ءَ تاوان بوتگ۔
آئی گوشتگ کہ یک دگہ کاروائی یے ءَ سرمچاراں ھمے روچ ءَ ھزدار ءِ ھند زھری، نورگامہ ءَ برجاھیں پاکستانی پوج ءِ چوکی ءِ سر ءَ گوں وتکاریں سلاھاں اُرش کرتگ۔ اے کاروائی ءِ آسر ءَ دژمنیں پوج ءَ جانی ءُ مالی تاوان بوتگ۔
جارکش ءَ گوشتگ کہ پنچ مارچ ءِ روچ ءَ یک دگہ کاروائی یے ءَ سرمچاراں جاؤ ءِ ھند ڈولیجی ءَ پاکستانی پوج ءِ سر ءَ ھما وھد ءَ گوں ٹوھین ءُ نوکیں سلاھاں اُرش کرتگ کہ آ پہ مزنیں بنجل ءِ پھازداری ءَ سنگر جوڑ کنگ ءَ بوتگ اَنت۔ اے کاروائی ءِ آسر ءَ پوج ءَ جانی ءُ مالی تاوان بوتگ۔
آئی گوشتگ کہ یک دگہ کاروائی یے ءَ سرمچاراں چار مارچ ءَ ھب شھر ءَ شھری پولیس تانہ گوں دستی بمب ءَ نشانگ کرتگ۔ دستی بمب پولیس تانہ ءِ تہ ءَ کپتگ۔ چہ ایشی آسر ءَ پولیس کارمنداں جانی ءُ مالی تاوان بوتگ۔
آئی گوشتگ کہ یک دگہ کاروائی یے ءَ سرمچاراں سَے مارچ ءَ تربت ءِ ھند گنہ ءَ برجاھیں زورگریں پاکستانی پوج ءِ چوکی نشانگ کرتگ۔ اُرش ءِ وھد ءَ سرمچاراں گرنیڈ لانچر ءِ لھتیں گولا آس داتگ کہ آ بنجل ءِ تہ ءَ کپتگ اَنت۔ اے کاروائی ءِ آسر ءَ دژمنیں پوج ءَ جانی ءُ مالی تاوان بوتگ۔
میجر گھرام بلوچ ءَ درشان ءِ گڈی ءَ درسیں کاروائیانی زمہ واری من اِتگ۔
بنشون: درشان اکس: زرمبش
