بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ وتی درشانے ءَ ھاران ءَ لیکچرار دلاور ھان ءِ کوش ایر جتگ ءُ گوشتگ کہ دلاور ھان ء لال بکش تربت ءِ ھند نودز ءِ جاہ منند اِنت کہ بلوچستان یونیورسٹی ھاران ءِ کیمپس ءَ لیکچرار ءِ پرز ءَ پیلو کنگ ءَ بوتگ۔
آئی ءَ گوشتگ کہ 4 مارچ 2026 ءِ سھب ءَ دلاور ھان ءُ آئی سنگت بلال اھمد ء گلام جان پَنجگُور ءِ جاہ منند اِنت، بلوچستان یونیورسٹی ھاران ءِ کیمپس ءِ نزیک ءَ سلاہ بندیں مردماں آیانی سر ءَ ارش کرتگ۔ تیرگواری ءِ آسر ءَ دلاور ھان جاھی بیران بوتگ، ارش ءَ بلال اھمد سکا ٹپی بوتگ۔
آئی ءَ گوشتگ کہ پانک بلوچستان ءَ برجاھیں زوراکیانی سر ءَ بژن درشان کنت کہ اد ءَ استاد ءُ آدگہ مردماں ھوار لس شھری نشانگ کنگ بوگ ءَ اَنت۔
بنشون: درشان. اکس: پانک
