آواران: ماھے پیش زورگریں پاکستانی لشکر ءِ دست ءَ زور بیگواہ کنگ بوتگیں لیواری ءِ کھول ءَ آئی ءِ آجوئی ءِ لوٹ کرتگ۔
کھول ءَ گوشتگ کہ پاکستانی لشکر ءَ لیواری ء اباس 18 دسمبر 2023 ءَ چہ تیریج آواران ءَ آوار جتگ ءُ بیگواہ کرتگ کہ انگت بیگواہ اِنت۔
آئی ءَ گوشتگ کہ لیواری یک دھکانکارے وتی ڈگارانی سر ءَ کار ءَ بوتگ، اگاں آئی سر ءَ چونیں بھتامے ھست آمیدگس ءَ پیش کنگ ءُ سزا دیگ بہ بیت اگاں آ بے میار اِنت زوت یل کنگ ءُ مئے گون ءَ انساپ کنگ بہ بیت۔ اے وڑ ءَ مردماں بے میار ءَ بیگواہ ءُ مارا جنجالانی دیمپان مہ کن اِت۔
کھول ءَ گوں مردمی ھکانی ادارھاں لوٹ کرتگ ءُ گوشتگ کہ پہ لیواری ءِ آجوئی ءَ توار چست بہ کن اِت۔
زور بیگواھیں لیواری ء اباس آواران گواش ءِ جھمنند اِنت کہ پاکستانی لشکر ءَ پہ زور لڈینتگ ءُ تیرتیج ءَ آوارتگ اَنت۔
