اوگانستان ءُ پاکستانی پوج ءِ نیمگ ءَ سیمسری ھنداں میڑ برجاہ اَنت۔ نوشکی ءِ ھند ڈاک، گزنلی ءَ ھوار سرلٹ ءُ شوراک ءَ دوشی پاکستانی پوج ءِ چوکی ءُ بنجلانی سر ءَ اوگان پوج ءَ ارش بندات کرتگ ءُ اے ارش دراجکش بوگ ءَ اِنت۔
ھمے وڑ ءَ کلہ ابداللہ ءُ سپین بولدک ءَ ھم میڑ برجاہ اَنت۔
رسانکدر ءَ شنگ بوتگیں تامربندانی تہ ءَ گندگ بیت کہ اوگان پوج، پاکستانی پوج ءِ بنجلانی سر ءَ ارش کنگ ءَ اِنت۔ پاکستانی پوج ءِ مرتگیں کارمند ءُ سلاہ ءُ جنگی سامانانی برگ ءِ ندارگ ھم گندگ بوگ ءَ اَنت۔
اوگان بنشون ءِ رد ءَ کندھار ءِ دمگ ماروپ ءُ ارگستان ءَ دوشی شپ ءِ دوازدہ ءَ میڑ بندات بوتگ اَنت۔
اوگانستان ءِ وزیر دپا ءَ پریس کانپرنس کرتگ ءُ گوشتگ کہ گوستگیں بیست ءُ چار ادارانی میان ءَ کم چہ کم بیست ءُ پنچ جنگ بوتگ۔
اوگان سرکار ءِ گوشگ اِنت کہ اے اُرش انوگیں سیمسری ویلانی پژدر ءَ کنگ بوتگ اَنت۔
دومی نیمگ ءَ پرانسیسی ھال رسان ادارہ اے ایپ پی ءِ رد ءَ کابل ءَ ھم بازیں تراک ءُ تیرانی توار اش کنگ بوتگ اَت۔
بنشون: رسانکدر اکس: رسانکدر
