ایرانی سرکاری رسانکدر ءِ رد ءَ بھرین ءَ چہ ایرانی ارشانی آسر ءَ امریکی بالی اڈھے تباہ بوتگ۔
گوں پاسداران انکلاب ءَ ھمگرنچیں ھال رساں ادارہ پارس ءِ نیمگ ءَ یک پوسٹے ءَ میزائل ارش ءِ تا مربند شنگ کنگ بوتگ۔
پارس ءِ گوشگ اِنت کہ پاسداران انکلاب ءِ ڈرون ءُ میزائل ارشاں بھرین ءِ ھند شیک ایسا ءَ امریکی کمانڈو ءُ اود ءَ کارکنوکیں مردم تاوان داتگ اَنت۔
دومی نیمگ ءَ اسرائیل ءَ تھرانءُ بیروت ءَ مرچی پد ءَ بالی ارشانی یک نوکیں درچے بندات کرتگ۔
سئودی پوجءِ جارکش ءِ گوشگ اِنت کہ سئودی ارب ءِ بنجاھی شھر ریاز ءَ امریکی سپارتھانہ گوں ڈرون ارش ءَ نشانگ کنگ بوتگ۔
ایران ءِ پلہ مرزیں جنگی گل ھزب اللہ ءِ گوشگ اِنت کہ آئیءَ اسرائیل ءِ سے پوجی اڈھانی سر ءَ ارش کرتگ۔
آئی گوشگ اِنت کہ گولانءِ کوہ ءَ ناپہ اڈہ، گوریچانی اسرائیل ءَ میرون ءُ ڈیوڈ ءَ بالی اڈہ گوں ڈرون ءَ نشانگ کرتگ۔
کتر ءِ دری کارانی تک ءِ نیمگءَ اکوام متھدہ ءُ سکیورٹی کونسل ءِ نامءَ ایرانی ارشانی پژدر ءَ نمدی یے ءَ بژن درشان کنگ بوتگءُ آئی ءَ گوشتگ کہ ایرانءَ پد ماں پد 83 بیلسٹک میزائل ءُ 12 ڈرون ارش کرتگ۔
بنشون: بی بی سی اکس: بی بی سی
