کیچ ءِ ھند بلیدہ ءَ پاکستانی پوج ءِ جوڑ کرتگیں کشندہ ٹولی ءِ کارمنداں سے گسانی سر ءَ ارش کرتگ۔
زرمبش جھگیر ءِ رد ءَ کشندہ ٹولی ءَ دوشی بلیدہ ءِ میتگ میناز ءَ آسمی بلوچ، پیربکش بلوچ ءُ ناسر بلوچ ءِ گس ءِ سر ءَ گوں کسان ءُ مزنیں سلاھاں ارش کنگ ءِ ھواری ءَ دستی بمب ھم چگل داتگ۔
انگت ءَ دگہ جانی تاوان ءِ ھال نیست، اے بابت ءَ مئے جست ءُ پرس برجاہ اِنت۔
آسمی بلوچ ءَ دو روچ پیش ھم تُربَت پریس کلب ءَ پریس کانپرنس کرتگ اَت ءُ چہ وتی زھگ وسیم بلوچ ءَ دزکشی ءِ جار جتگ اَت۔
چہ ایشی ءَ پیش ھم پاکستانی پوج ءُ آئی ءِ داشتگیں کشندہ ٹولی ءِ کارمنداں بلوچستان ءِ جتائیں ھند ءُ دمگاں بلوچ جھدکارانی گسانی سر ءَ ارش کرتگ ءُ گوں کھولاں زوراکی کرتگ۔
بنشون: اھوالکار. اکس: زرمبش
