شال ءَ پہ زور بیگواھیں مردمانی آجوئی ءَ وائس پار بلوچ مسنگ پرسنز ( وی بی ایم پی ) ءِ زھرشانی گدان ءَ شال پریس کلب ءِ دیم ءَ 6094 روچ سرجم بوتگ۔ دوشمبے ءِ روچ ءَ وی بی ایم پی ءِ چیئرمین نسر اللہ بلوچ گدان ءَ ساڑی بوتگ۔
اے میان ءَ جتائیں بھرگاں سیادی داروکیں مردم پہ ھمدردی درشان کنگ ءَ گدان ءَ اتکگ اَنت ءُ گوں زور بیگواھیں مردمانی کھولاں ھمدردی درشان کرتگ۔
آیاں زوربیگواھیں بلوچانی درکانودی کوش ءُ زوریں بیگواھی ءِ ھلاس کنگ ءُ درسیں زور بیگواھیں مردمانی آجوئی ءِ لوٹ کرتگ۔
بنشون: درشان. اکس: وی بی ایم پی
