شال ءِ ھند کلی کمبرانی ءَ پاکستانی پوج ءَ بازیں کچے ءَ بیڑ برتگ ءُ زوراکی کرتگ، دو مردم آوار جنگ ءَ پد بیگواہ کرتگ۔
اھوالکار ءِ رد ءَ بیگواھیں مردمانی نام شھیب بلوچ ءُ سپر ھان بلوچ اِنت۔ دوئیں کلی کمبرانی ءِ جاہ منند اَنت۔
ھمے وڑ ءَ چہ بلیدہ ءَ پاکستانی پاکستانی پوج ءَ رھیم بکش ء کریم بکش آوار جتگ ءُ بیگواہ کرتگ۔ رھیم بکش میناز ءِ جاہ منند اِنت کہ دوشی چہ گس ءَ بیگواہ کنگ بوتگ۔
چوش کہ دوشی ھم بلیدہ ءِ میتگ میناز ءَ پوج ءَ چار ورنا ابدرھمان ء برکت الی، آسپ بلوچ ء چیئرمین اسمائیل، یاسر بلوچ ء بلوچ ھان ءُ الی اھمد ء التاب آوار جتگ ءُ بیگواہ کرتگ اَنت۔
دوشی چہ بلیدہ ءُ شال ءَ ھپت مردم بیگواہ کنگ بوتگ۔
بنشون: اھوالکار. اکس: اھوالکار
