پاکستانی نیوز چینل جیو ءَ ھوار باز ٹی وی چینل ھیک کنگ بوتگ اَنت ءُ چہ چینلاں پاکستانی پوج ءِ بگیری ءَ کلوہ شنگ کنگ بوگ ءَ اَنت۔
پاکستانی رسانکدر ءِ رد ءَ نیوز چینل جیو نیوز، اے آر وائی ءَ ھوار باز دگہ نیوز ءُ اسپورٹس چینل ھیک کنگ بوتگ اَنت۔ ھیکر پاکستانی پوج ءِ بگیری ءَ کلوہ شنگ کنگ ءَ اَنت۔
ھیکرانی نیمگ ءَ شنگ کنگ بوتگیں کلوھاں گوشگ بوتگ کہ ”پاکستانی پوج تباھی ءِ رند ءَ اِنت، مھلوک پوج ءِ بگیری ءَ پاد بیت“
اے درگت ءَ جیو نیوز ءَ درشانے شنگ کرتگ ءُ گوشتگ کہ جیو نیوز ءِ ٹی وی ءَ یکشل ءَ جیڑہ ودی بوگ ءَ اِنت ءُ اسکرین ھیک کنگ بوتگ ءُ پوج ءِ بگیری ءَ کلوہ شنگ کنگ بوتگ، ایشی ءَ گوں چینل ءَ ھچ وڑیں سیادی نیست۔
جیو نیوز ءَ گوں سرکار ءَ لوٹ کرتگ کہ اے بابت ءَ کاروائی بہ کنت ءُ زمہ واراں دزگیر بہ کنت۔
بنشون: رسانکدر اکس: رسانکدر
