چہ شال ءُ ھزدار ءَ پاکستانی پوج ءِ دست ءَ زور بیگواھیں اشپاک بلوچ ءُ ھزیپہ بلوچ آجو بوتگ اَنت۔
بنشون ءِ رد ءَ اشپاک ء مشتاک آواران ءِ ھند مشکے ءِ جاہ منند اِنت کہ پاری یازدہ جولائی ءِ شپ ءَ چہ شال ءَ پاکستانی پوج ءَ آوار جتگ ءُ بیگواہ کرتگ۔ اشپاک بلوچ چہ ھپت ماہ ءِ زوریں بیگواھی ءَ پد دوشی چہ پوج ءِ چیریں آزارجاھاں آجو بوتگ۔
آئی آجوئی ءِ گپ کھول ءَ راست کرتگ۔
ھمے وڑ ءَ چہ ھزادر ءِ ھند نال ءَ زور بیگواھیں ھزیپہ گپار آجو بوتگ۔
بنشون ءِ رد ءَ ھزیپہ بلوچ ء گپار بلوچ ءَ پاکستانی پوج ءَ 5 نومبر 2025 ءَ چہ نال، درنیلی ءَ آوار جتگ ءُ بیگواہ کرتگ۔ ھزیپہ بلوچ سے ماہ ءِ زوریں بیگواھی ءَ پد 28 پروری 2026 ءَ آجو بوتگ۔
بنشون: اھوالکار. اکس: اھوالکار
