کیچ ءِ ھند تمپ ءَ پاکستانی پوج ءَ بیڑ برتگ ءُ اویس بلوچ آوار جتگ ءُ بیگواہ کرتگ۔
زرمبش جھگیر ءِ رد ءَ زور بیگواھیں اویس بلوچ ء ھالد بلوچ تمپ ءِ میتگ کونشکلات ءِ جاہ منند اِنت۔ مرچی نیمروچ ءِ یک ءَ پوج ءَ آوار جتگ ءُ گوں وت برتگ۔
اویس بلوچ ءِ زوریں بیگواھی ءِ گپ آئی کھول ءَ راست کرتگ ءُ گوشتگ کہ اویس بلوچ درزی ءِ دکان ءَ کار ءَ بوتگ کہ پوج ءَ چہ دکان ءَ آوار جتگ ءُ بیگواہ کرتگ۔
اویس بلوچ ءِ کھول ءَ گوں سرکار ءَ لوٹ کرتگ کہ اگاں آئی سر ءَ چونیں ھم بھتامے ھست گڑا کانود ءِ رد ءَ آمیدگس ءَ پیش کنگ بہ بیت، بے میار اِنت گڑا زوت آجو کنگ بہ بیت۔
آئی ءَ گوں انسانی ھکانی ادارھاں لوٹ کرتگ کہ پہ اویس بلوچ ءِ آجوئی ءَ توار چست بہ کن اِت۔
بنشون: زرمبش جھگیر. اکس: اھوالکار
