بلوچ یونائیٹڈ آرمی ( یو بی اے ) ءِ جارکش مزار بلوچ ءَ وتی درشانءَ گوشتگ کہ یو بی اے ءِ سرمچاراں 22 پروری ءَ ڈاڈر ءِ ھند نگاریءَ ریاستی چاریگ مھمود کلوھی ء ازیم ھان ءَ چہ ڈوار ءَ دزگیر کرتگءُ جستءُ پرس ءِ میان ءَ ریاستی چاریگ مھمود وتی درسیں میارباری من اتگ اَنت کہ ریاست ءِ دست ءَ بازیں بلوچ ورنایانی دزگیرکنائینتگ اَنت ءُبازیں جاھاں بلوچ آجوئی لوٹوک پیش داشتگ اَنت، گیشتریں جستءُ پرسانی میان ءَ آئی ڈاڈر ءِ جتائیں ھنداں پہ ریاست ءَ کار کنوکیں چاریگانی نام گشتگ۔
آئیءَ گوشتگ کہ اے مردم گوستگیں باز سال اِنت کہ پہ پاکستانی چیریں ادارھاں کار ءَ بوتگ۔ دگہ چہ اے وڑیں کارمندانی چاریگی ءِ سوب ءَ گوست ءَ باز بلوچ ورنا دژمنءِ ادارھانی دست ءَ تاوان بوتگ اَنت۔
مزار بلوچ ءَ درشان ءِ گڈی ءَ گوشتگ کہ منگ ءَ پد بلوچ آمیدگس ءَ مھمود ءَ راجی میاربار لیک اتگ ءُ مرگ ءِ سزا گوشتگ زی 24 پروری ءَ آئی ءِ سر ءَ کار کنگ بوتگ۔
بنشون: درشان اکس: زرمبش
