بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ وتی درشانے ءَ بلوچ یکجھتی کمیٹی ءِ گون ءَ یکجھتی درشان کرتگ ءُ دا ماھے ءَ دراجکشیں سرپدی مھم ءِ پلہ مرزی کرتگ کہ آ پہ بی وائی سی ءِ سروکانی زوریں بندیگ کنگ ءِ یک سالے ءِ سرجم بوگ ءِ بگیری ءَ بندات کنگ بوتگ۔
آئی ءَ گوشتگ کہ ما گوں ڈاکٹر ماہ رنگ بلوچ، بیبگر بلوچ، سبگت اللہ شاہ جی، گلزادی، بیبو بلوچ ءُ ھما درسیں مردمانی گون ءَ اوشتاتگ ایں کہ آ پر ایمنیں جھد ءِ پژدر ءَ یکشل ءَ زندانی ءُ زوراکیانی دیمپان اَنت۔ بلوچستان ءَ ایرادگری میار جوڑ بوتگ، زوریں بیگواھی ءُ مچی سزا ءِ گامگیج پہ انسانی ھکاں مزنیں ترس اَنت کہ گِر ءُ دار کنگ لوٹ ایت۔
آئی ءَ گوشتگ کہ پانک چہ 20 پروری ءَ داں 20 مارچ 2026 ءَ پہ انساپ ءُ بنکی ھکانی پھریزگ ءَ ھمے مچی توار ءِ پلہ مرزی ءَ کنت۔ ما گوں میان استمانی تک، انسانی ھکانی گل ءُ جمھوری ادارھاں لوٹ کن ایں کہ آ یکجھتی بہ کن اَنت ءُ زوراکیانی بگیری ءَ توار چست بہ کن اَنت۔ دانکہ شرپ، انساپ ءُ آجوئی ءِ جھد دارگ مہ بیت۔
بنشون: درشان. اکس: پانک
