ھب چوکی\پنجگور: پاکستانی پوج ءَ بیڑ برتگ ءُ سے براتاں ھوار شش مردم آوار جتگ ءُ بیگواہ کرتگ۔
اھوالکار ءِ رد ءَ پاکستانی پوج ءَ 21 پروری ءَ ھب چوکی ءِ ھند ساکران ابداللہ بزنجو گوٹ ءَ گسے ءَ بیڑ برتگ ءُ گلام سرور ء ائیدو آوار جتگ ءُ بیگواہ کرتگ۔
زوربیگواھیں گلام سرور ءِ کھول ءَ گوں انسانی ھکانی ادارھاں لوٹ کرتگ کہ آ پہ گلام سرور ءِ آجوئی ءَ توار چست بہ کن اَنت۔
ھمے وڑ ءَ پَنجگُور ءِ ھند ھدابادان ءَ پاکستانی پوج ءَ گساں بیڑ برتگ ءُ سَے براتاں ھوار پنچ مردم آوار جتگ ءُ بیگواہ کرتگ۔
زوربیگواہ کرتگیں مردمانی نام بکتیار ء ھاجی مھمد ھسن، ارپان ء ھاجی مھمد ھسن، بلال ء ھاجی مھمد ھسن، اویس اھمد ء یار مھمد ءُ ھسن ء ھلیل اِنت۔
ھندی بنشون ءِ گوشگ اِنت کہ اے کاروائی ءِ میان ءَ پاکستانی پوج ءَ گسانی گرانھادیں سامان پروشتگ اَنت ءُ زھگ ءُ زالبول ترسینتگ اَنت ءُ تیرگواری کرتگ کہ تیرگواری ءِ آسر ءَ اویس اھمد ٹپی بوتگ۔
کھول ءِ گوشگ انت کہ پاکستانی پوج ءَ اویس گوں ٹپی ئیں جاوراں برتگ انگت آئی بابت ءَ مارا ھچ سرپدی دیگ نہ بوتگ۔
بنشون: اھوالکار. اکس: اھوالکار
