کیچ ءَ پاکستانی پوج ءَ بلوچی زبان ءِ نامداریں ازمکار زھور پزل ءِ گس ءَ بیڑ برتگ۔
زرمبش جھگیر ءِ رد ءَ پاکستانی پوج ءُ چیریں ادارھانی کارمنداں دوشی بازیں کچے ءَ کیچ ءِ ھند شاھی تمپ ءَ زھور پزل ءِ گس ءَ بیڑ برتگ ءُ گس پٹ ءُ پول کرتگ اَنت۔
زھور پزل بلوچی زبان ءِ یک نامداریں ازمکارے کہ آ چہ 2004 ءَ بلوچی تامرانی سر ءَ کار کنگ ءَ اِنت کہ آئی ءِ بازیں تامر شنگ بوتگ اَنت۔ آئی لھتیں تامرانی نام دلریش، جورکان، واھشت، زندمان، پنت، جنگی، لولان ءُ سیمسر ءَ ھوار پانزدہ تامر شنگ بوتگ۔
بنشون؛ اھوالکار اکس: دامگ
