چہ ھب چوکی ءَ پاکستانی پوج ءَ مشکے ءِ جھمنندیں یکیں کھول ءِ باز مردم آوار جتگ ءُ بیگواہ کرتگ۔
اھوالکار ءِ رد ءَ پاکستانی پوج ءَ ھشت پروری ءِ شپ ءَ ھب چوکی ءِ ھند گلشن امیر آباد ءَ بیڑ برتگ ءُ ابدلرب ء جما، مھمد رھیم ء جما، ابدلرازک ء جما، ابدلمالک ء جما، شاہ زیب ء ابدلرب، جھانگیر ء مھمد رھیم، نوروز ء ابدلرازک، شاہ میر، داد شاہ ء پزل کریم آوار جتگ ءُ بیگواہ کرتگ اَنت۔
زوربیگواہ کرتگیں مردمانی کھول ءِ گوشگ اِنت کہ بیڑ برگ ءِ میان ءَ پاکستانی پوج ءَ گوں زھگ ءُ زالبولاں زوراکی کرتگ۔
کھول ءِ گوشگ اِنت کہ پزل کریم پولیس کارمندے کہ آ چہ ھزدار ءَ آوار جنگ بوتگ ءُ آئی زھگ نواز ھم سرکاری نوکرے آ ھم آوار جنگ بوتگ۔
ھمے وڑ ءَ دادشاہ ء پزل کریم ھم چہ ھب چوکی ءَ آوار جنگ ءُ بیگواہ کنگ بوتگ۔
بنشون: رسانکدر اکس: زرمبش
