کیپ: روس ءَ یوکرین ءِ سر ءَ اُرش کُرتگ،یوکرین ءِ نیمگ ءَ پسھی کارروائی ءَ روس ءِ شش جنگی بالیگ تباہ بیتگ۔ یوکرین ءِ دری کارانی وزیر دیمترو کیلیبا ءَ گْوشتگ کہ روسی مھتر ءَ یوکرین ءِ سر ءَ اُرش کُرتگ،بُنجاھی شھر کیپ تراکانی تواراں سرا زُرتگ۔ یوکرین ءِ دری کارانی وزیر ءَ ماں ٹویٹر ءَ گْوشتگ کہ روس ءِ مھتر ولادی میرپیوٹن ءَ گوں مُھکمیں توانمندی ءَ یوکرین ءِ سر ءَ اُرش کُرتگ۔ آئی گْوشتگ کہ یوکرین ءِ بُنجاھی شھر کیپ ءَ ھوار بازیں شھرانی سر ءَ اُرش کنگ بیتگ،جھان روس ءَ گِر ءُ دار بہ کنت،ما ھر پیم وتی ڈیھ ءَ پھازیں ءُ سوبمند بہ ایں۔ دری رسانکدر ءِ رد ءَ یوکرین ءِ بنجاھی شھر کیپ، ڈونباس، اڈیسہ ماریوپول ءَ ھوار یوکرین ءِ بازیں شھراں تراکانی توار اِش کنگ بیتگ اَنت ءُ روس ءِ لشکر ءَ یوکرین ءِ لشکری ڈوار جاہ ھم میزائل اُرشاں نشانگ کُرتگ اَنت۔
روس ءَ یوکرین ءِ سر ءَ اُرش کُرتگ،پَسھی کارروائی ءَ روس ءِ شش جنگی بالیگ جنگ بیتگ
روس ءَ یوکرین ءِ سر ءَ اُرش کُرتگ،پَسھی کارروائی ءَ روس ءِ شش جنگی بالیگ جنگ بیتگ
